കണ്ണൂരിൽ ഓട്ടോയ്ക്ക് തീപിടിച്ച് രണ്ടുപേർ വെന്തുമരിച്ചു

കണ്ണൂർ: കൂത്തുപറമ്പിൽ ഓട്ടോറിക്ഷയ്ക്ക് തീപിടിച്ച് രണ്ട് പേർ വെന്തുമരിച്ചു. ഓട്ടോ ഡ്രൈവറും യാത്രക്കാരനുമാണ് മരിച്ചത്. ആറാംമൈൽ മൈതാനപ്പള്ളിയിലാണ് അപകടം. ബസുമായി കൂട്ടിയിടിച്ചാണ് ഓട്ടോറിക്ഷയ്ക്ക് തീപിടിച്ചത്.  തുവ്വക്കുന്ന് സ്വദേശികളായ അഭിലാഷ്, സജീഷ് എന്നിവരാണ് മരിച്ചത്.

തുവ്വക്കുന്ന് സ്വദേശികളായ അഭിലാഷ്, സജീഷ് എന്നിവരാണ് മരിച്ചത്. തലശ്ശേരിയിൽ നിന്ന് കൂത്തുപറമ്പിലേക്ക് വന്ന ബസിൽ സിഎൻജി ഓട്ടോറിക്ഷ ഇടിച്ചാണ് അപകടമുണ്ടായത്. ബസ്സിലിടിച്ച് മറിഞ്ഞ ഓട്ടോയ്ക്ക് തീപിടിക്കുകയായിരുന്നു. ഇതോടെ ദൃക്‌സാക്ഷികളായ നാട്ടുകാർ ഒന്നും ചെയ്യാനാകാത്ത അവസ്ഥയിലായിരുന്നു. അപകടം നടന്നതോടെ ഫയർഫോഴ്‌സെത്തി തീയണച്ചെങ്കിലും ഓട്ടോ യാത്രികർ മരിച്ചിരുന്നു. രണ്ട് പേരുടെയും മൃതദേഹം തലശ്ശേരി ജനറൽ ആശുപ്രതിയിലാണുള്ളത്.

Two people were burnt to death when an autorickshaw caught fire at Kannur's Koothuparam