ഒരു കിലോഗ്രാം ഉപ്പിന് വില 500 രൂപ !
ഉത്തരേന്ത്യൻ സംസ്‌ഥാനങ്ങളിൽ ഉപ്പിനു ക്ഷാമമുണ്ടെന്ന തരത്തിൽ വന്ന വാർത്തകളെ തുടര്‍ന്ന് ഒരു കിലോഗ്രാം ഉപ്പിന് വില 500 രൂപ വരെ ഉയര്‍ന്നതായി റിപ്പോര്‍ട്ട്.
ഉത്തരേന്ത്യൻ സംസ്‌ഥാനങ്ങളിൽ ഉപ്പിനു ക്ഷാമമുണ്ടെന്ന തരത്തിൽ വന്ന വാർത്തകളെ തുടര്‍ന്ന് ഒരു കിലോഗ്രാം ഉപ്പിന് വില 500 രൂപ വരെ ഉയര്‍ന്നതായി റിപ്പോര്‍ട്ട്. എന്നാല്‍ പ്രചരണം തെറ്റാണെന്നും ഉപ്പിന്റെ വില ഉയര്‍ന്നിട്ടില്ലെന്നും കേന്ദ്ര–സംസ്‌ഥാന സർക്കാരുകള്‍ അറിയിച്ചു. ഉപ്പിനു ക്ഷാമമില്ലെന്നും ജനങ്ങൾക്ക് മിതമായ നിരക്കിൽ ഉപ്പ് നൽകുന്നതിനു സംസ്‌ഥാന സർക്കാരുകൾ വേണ്ട നടപടികൾ സ്വീകരിച്ചിട്ടുണ്ടെന്നും കേന്ദ്ര സർക്കാർ വക്‌താവ് അറിയിച്ചു. ഉപ്പിനു ക്ഷാമമാണെന്ന വാർത്ത പരന്നതോടെയാണ് വില കുതിച്ചുയര്‍ന്നത്. കിലോയ്ക്ക് 100 മുതൽ 500 വരെയായി പലയിടത്തും വില. ഡല്‍ഹിയിലും വില കുതിച്ചുകയറി. ഇതോടെയാണ് അധികൃതർ വിശദീകരണവുമായി രംഗത്തെത്തിയത്.