മൊഴി മാറ്റി; നി​യ​മ​വി​ദ്യാ​ർ​ഥി​നി​യെ പീ​ഡി​പ്പി​ച്ച കേ​സില്‍ സ്വാ​മി ചി​ന്മ​യാ​ന​ന്ദി​നെ കോ​ട​തി വെ​റു​തെ വി​ട്ടു

യു.പിയിൽ നിയമവിദ്യാർഥിനിയെ പീഡിപ്പിച്ചെന്ന കേസിൽ ബി.ജെ.പി നേതാവും മുൻ കേന്ദ്രമന്ത്രിയുമായ ചിന്മയാനന്ദിനെ ലഖ്‌നൗവിലെ പ്രത്യേക കോടതി വെറുതെ വിട്ടു. ഇര കോടതിയിൽ മൊഴി മാറ്റിയതോടെ തെളിവുകളുടെ അഭാവത്തിലാണ് ചിന്മയാനന്ദിനെ വെറുതെ വിട്ടത്.

സ​മൂ​ഹ​മാ​ധ്യ​മ​ങ്ങ​ളി​ലൂ​ടെ​യാ​ണ് ഇ​വ​ർ പീ​ഡ​നാ​രോ​പ​ണം ഉ​ന്ന​യി​ച്ച​ത്. ചിന്മയാനന്ദിന്റെ കോളജിലെ നിയമ വിദ്യാർഥിനിയായിരുന്ന പെൺകുട്ടി എൽ.എൽ.എം കോഴ്സിൽ പ്രവേശനം ലഭിച്ചതിനെ തുടർന്നു ചിന്മയാനന്ദിന്റെ ആൾക്കാർ‌ അയാളുടെ വീട്ടിലേക്ക് തന്നെ വിളിപ്പിച്ചെന്നും പിന്നീട് കുളിക്കുന്ന വിഡിയോ കാണിച്ച് പീഡനം പതിവാക്കിയന്നുമാണ് അദ്യം മൊഴി നല്‍കിയത്. തെളിവായി 43 വിഡിയോ ദൃശ്യങ്ങൾ അടങ്ങിയ പെൻഡ്രൈവ് പ്രത്യേക അന്വേഷണ സംഘത്തിനു പെൺകുട്ടി കൈമാറിയിരുന്നു. ചി​ന്മ​യാ​ന​ന്ദ് ത​ന്നെ​യും കു​ടും​ബ​ത്തെ​യും കൊ​ല്ലു​മെ​ന്ന് ഭി​ഷ​ണി​പ്പെ​ടു​ത്തു​ന്ന​താ​യും പെ​ൺ​കു​ട്ടി വീഡി​യോ​യി​ൽ ആ​രോ​പി​ച്ചി​രു​ന്നു. ആ​രോ​പ​ണ​ത്തി​ന് പി​ന്നാ​ലെ കാ​ണാ​താ​യ പെ​ൺ​കു​ട്ടി​യെ പി​ന്നീ​ട് രാ​ജ​സ്ഥാ​നി​ൽ നി​ന്നും ക​ണ്ടെ​ത്തു​ക​യും ചെ​യ്തു. തു​ട​ർ​ന്ന് കേ​സി​ൽ സു​പ്രീം​കോ​ട​തി​യും ഇ​ട​പെ​ട്ടു.

എന്നാൽ വിചാരണക്കിടെ പരാതിക്കാരി മൊഴിമാറ്റി. ചിലരുടെ സമ്മർദ്ദപ്രകാരമാണ് ചിന്മയാനന്ദിനെതിരെ ബലാത്സംഗ പരാതി നൽകിയതെന്ന് പെൺകുട്ടി കോടതിയിൽ അറിയിച്ചു. ചിന്മയാനന്ദിൽ നിന്ന് അഞ്ച് കോടി രൂപ തട്ടിയെടുക്കാൻ ശ്രമിച്ചെന്ന കേസിൽ പെൺകുട്ടിയെയും സുഹൃത്തുക്കളെയും കേടതി വെറുതെ വിട്ടു.

മീഡിയവൺ വാർത്തകൾ ടെലിഗ്രാമിൽ ലഭിക്കാൻ ജോയിൻ ചെയ്യുക