നന്ദി കോസ്​റ്റ, നിങ്ങൾ ഇല്ലായിരുന്നെങ്കിൽ....

ഫ്രാങ്ക്​ഫുട്ട്​: എല്ലാം തീർന്നെന്നു കരുതിയിരുന്നു. പക്ഷേ അയാളുടെ കൈൾ ഞങ്ങളെ താങ്ങിനിർത്തി​. കണ്ണിലിരുട്ടുകയറി വീണുപോകുകയാണെന്ന്​ തോന്നിയ നേരം ആ കൈകൾ എന്നെയും കൂട്ടുകാരെയും വെളിച്ചത്തിലേക്ക്​ കൈപ്പിടിച്ചുയർത്തി.. പോയ രാവിനെ ക്രിസ്​റ്റ്യാനോ റൊണാൾഡോ ഒരു ഡയറിയിൽ കുറിക്കുകയാണെങ്കിൽ അതിൽ ഡിയാഗോ കോസ്​റ്റയെന്ന പേര്​​ സുവർണ നിറത്തിൽ തിളങ്ങിനിൽക്കും.

ഫ്രാങ്ക്​ഫുർട്ട്​ അരീനയിൽ പോർച്ചുഗൽ ​െസ്ലാവേനിയ മത്സരം കണ്ടവരെല്ലാം ഒന്നുറപ്പിച്ചു. ഇന്ന്​ ​െസ്ലാവേനിയൻ ഗോൾകീപ്പർ യാൻ ഒബ്ലാക്കി​െൻറ ദിവസമാണ്​. മാഡ്രിഡ്​ നഗരത്തിൽ അത്​ലറ്റി​ക്കോയു​ടെ കോട്ട കാക്കുന്ന ഒബ്​ളാക്ക്​ ത​െൻറ പരിചയസമ്പത്തെല്ലാം ഉപയോഗിച്ച മത്സരം. പറങ്കിപ്പടയുടെ മുന്നേറ്റങ്ങൾക്ക്​ മുന്നിൽ​ പലകുറി അയാൾ വട്ടമിട്ടുനിന്നു​. ​​മത്സരം നിശ്ചിത സമയവും കടന്ന്​ അധിക സമയത്തേക്ക് നീണു​. മുനയൊടിഞ്ഞ ഒ​ട്ടേറെ ആക്രമണങ്ങൾക്ക്​ ശേഷം ഡിയാഗോ ജോട്ട ഒരു കൊള്ളിയാൻ മിന്നൽ പോലെ ​​െസ്ലാവേനിയൻ ഗോൾമുഖത്തേക്ക്​ ഓടിക്കയറുന്നു. ആ ഓട്ടം ചെന്നുനിന്നത്​ പോർച്ചുഗലിന്​ അനുകൂലമായ ഒരു പെനൽറ്റിയിലാണ്​.

പറങ്കിപ്പടക്ക്​​ മേൽ പ്രതീക്ഷയുടെ വെളിച്ചമുദിച്ചു. ഞങ്ങളിതാ പ്രീക്വാർട്ടറിലേക്കെന്ന്​ ഓരോ ആരാധകനും ഉറപ്പിക്കുന്നു. കിക്കെടുക്കാൻ പ്രാപ്​തരായ ഒ​ട്ടേറെപ്പേരുണ്ടെങ്കിലും റൊണാൾഡോയെന്ന പേരിൽ തന്നെ പോർച്ചുഗൽ വിശ്വസിച്ചു. നിർണായക കിക്കെടുക്കാൻ സ്വതസിദ്ധമായ ​​ശൈലിയിൽ ദീർഘനിശ്വാസമെടുത്ത്​ റൊണാൾഡോ ഒരുങ്ങി. ആറാം യൂറോയിലെ ചരിത്രമാകുന്ന ഗോളും വിഖ്യാതമായ ആ സെലി​ബ്രേഷനും മൈതാനത്ത്​ അലയടിക്കുമെന്ന്​ എല്ലാവരും കരുതി. ഗാലറികളിൽ പോർച്ചുഗീസ്​ പതാകകൾ പാറിപ്പറന്നു.

പക്ഷേ ആ ദിവസം റെ​ാണാൾഡോക്ക്​ തൊട്ടതെല്ലാം തെറ്റുന്നു. അതല്ലെങ്കിൽ റോണോ കിക്കെടുക്കാനായി കാലുകളുയർത്തുന്ന നേരമേ ഒബ്​ളാക്കി​െൻറ തല​േച്ചോറിലെ നാഡികൾക്ക്​ സിഗ്​നൽ ലഭിച്ചിരിക്കണം. റൊണാൾഡോയുടെ കണ്ണുകളിൽ നിന്നും കണ്ണീർ പൊട്ടിവീണു. എന്നും കൂടെയുള്ളവരെ ചേർത്തുപിടിച്ചിരുന്ന അയാ​ളെ ആശ്വസിപ്പിക്കാൻ സഹതാരങ്ങൾ ഓടി​യെത്തി.

എന്നും അപാരമായ ആത്മവിശ്വാസത്താൽ മാത്രം കാണുന്ന അയാളുടെ മുഖം ചുവന്നുതുടുത്തപ്പോൾ ഒരിക്കലുമയാളെ ഇഷ്​ടപ്പെടാതിരുന്നവർക്ക്​ പോലും ഒരുവേള നിരാശപടർന്നിരിക്കണം. പോർച്ചുഗലും ആരാധകരും കണ്ണുനിറഞ്ഞിരിക്കു​േമ്പാൾ ​െസ്ലാവേനിയൻ ക്രോസ്​ ബാറിന്​ ചുവട്ടിൽ ഒബ്ളാക്ക്​ നിറഞ്ഞുചിരിക്കുകയായിരുന്നു. മത്സരം ഷൂട്ടൗട്ടിലേക്ക്​ നീണ്ടാലും ഇക്കുറി വിജയം തങ്ങൾക്കുതന്നെയെന്ന്​ സ്​​ളൊവേനിയ ഉറപ്പിച്ചു. ഇന്ന്​ ഒബ്​ലാക്കി​െൻറ ദിവസം തന്നെയെന്ന്​ കമൻററിയടക്കം അടക്കം പറഞ്ഞു.

എന്നാൽ അപ്പുറത്ത്​ എല്ലാം കണ്ട്​ മറ്റൊരു ഗോൾകീപ്പർ ഏകനായി നിൽക്കുന്നുണ്ടായിരുന്നു. ഡിയാഗോ കോസ്​റ്റ. 114ാം മിനുറ്റിൽ പോർച്ചുഗലി​െൻറ ​പ്രതിരോധനിരയിൽ നിന്നും ​പെപ്പെക്ക്​ ഒരു ഡിഫൻഡർക്ക്​ ഒരിക്കലും സംഭവിക്കാനാകാത്ത തെറ്റ്​ സംഭവിക്കുന്നു. പോർച്ചുഗലി​െൻറ കഥ ഇവിടെത്തീർന്നെന്ന്​ കരുതിയ നേരം നഷ്​ടങ്ങൾക്കും സ്വപ്​നങ്ങൾക്കുമിടയിൽ അയാളൊരു കാൽവെക്കുന്നു. ആ കാലിൽ തട്ടിത്തെറിച്ചത് ​​​െസ്ലാവേനിയയുടെ സ്വപ്​നങ്ങളും ആ കാലിൽ തളിർത്തുപൊങ്ങിയത്​ പോർച്ചുഗലി​െൻറ പ്രതീക്ഷകളുമായിരുന്നു.

ഷൂട്ടൗട്ടിനായി നിൽക്കു​േമ്പാൾ​​ അയാൾക്ക്​ ഒരുപാട്​ കൈകൾ മുളച്ചുപൊന്തിയെന്ന്​ തോന്നിച്ചു. കോസ്​റ്റ സേവ്​സ്​.. കോസ്​റ്റ എഗൈൻ സേവ്​സ്​.. ആൻഡ്​ കോസ്​റ്റ സേവ്​സ്​ അനൊദർ..ഇടതും വലതുമായി ​െസ്ലാവാനിയ​ൻ താരങ്ങൾ മാറിമാറി ഷോട്ടുതിർത്തെങ്കിലും എല്ലായിടത്തും കോസ്​റ്റ പറന്നെത്തി. തുടരെത്തുടരെയുള്ള മൂന്നുസേവുകളുമായി ഒടുവിലയാൾ ഗ്യാലറിക്ക്​ മുന്നിൽ നെഞ്ചുവിരിച്ചുനിന്നു. എല്ലാം തിരിച്ചുകിട്ടിയ സന്തോഷത്തിൽ പോർച്ചുഗീസ്​ താരങ്ങൾ അയാളെപൊതിഞ്ഞുപിടിച്ചു. കോസ്​റ്റ നൽകിയ ആത്മവി​ശ്വാസത്തിലാണ്​ റോണോയും ബ്രൂണോയും സിൽവയുമെല്ലാം വലകുലുക്കിയത്​.

നന്ദി.. പ്രിയപ്പെട്ട കോസ്​റ്റ. നിങ്ങളില്ലായിരുന്നുവെങ്കിൽ യൂറോ ചരിത്രത്തിലെത്തന്നെ ഏറ്റവും മികച്ചൊരുതാരത്തി​െൻറ അവസാനം അയാളൊരിക്കലും ആഗ്രഹിക്കാത്ത വിധം കുറിച്ചുവെക്കപ്പെടുമായിരുന്നു. ഇപ്പോൾ ആ കണ്ണുകളിൽ കാണുന്ന തിളക്കമെല്ലാം നിങ്ങൾ മാത്രം നൽകിയതാണ്​.