മണ്ണിനടിയിൽ നൂറുകണക്കിന്​​ മൃതദേഹം; സിറിയയിൽ വീണ്ടും കൂട്ടക്കുഴിമാടം കണ്ടെത്തി

ദമസ്​കസ്​: സിറിയയിലെ അലെപ്പോയിൽ നൂറുകണക്കിന്​​ മൃതദേഹം അടങ്ങിയ കൂട്ടക്കുഴിമാടം കണ്ടെത്തി. പ്രദേശത്തുകാരനായ വ്യക്​തി നൽകിയ വിവരത്തി​െൻറ അടിസ്​ഥാനത്തിലാണ്​ അലെപ്പോ ​പൊലീസ്​ തിരച്ചിൽ നടത്തിയത്​. നൂറുകണക്കിന്​ മൃതദേഹങ്ങൾ സംസ്​കരിക്കുന്നത്​​ താൻ കണ്ടിട്ടുണ്ടെന്ന്​​ ഇയാൾ പൊലീസിനെ അറിയിക്കുകയായിരുന്നു​.

തുടർന്ന്​ ബ്രിഗേഡിയർ ജനറൽ അഹമ്മദ്​ ലതൗഫി​െൻറ നേതൃത്വത്തിൽ സ്​ഥലം സന്ദർശിച്ചു. ഡിഎൻഎ പരിശോധനയിലൂടെ മൃതദേഹങ്ങൾ തിരിച്ചറിയാൻ ശ്രമിക്കുമെന്ന്​ അധികൃതർ വ്യക്​തമാക്കി.

ഡിസംബർ എട്ടിന്​ അസദ്​ ഭരണകൂടം വീണശേഷം നിരവധി കൂട്ടക്കുഴിമാടങ്ങളാണ്​ സിറിയയിൽനിന്ന്​ കണ്ടെത്തിയിട്ടുള്ളത്​. തലസ്​ഥാനമായ ദമസ്​കസിൽനിന്ന്​ 70 കിലോമീറ്റർ അകലെയുള്ള അൽ ഖുദൈഫാ നഗരത്തിന്​ സമീപം​ കണ്ടെത്തിയതാണ്​ ഇതുവരെയുള്ള ഏറ്റവും വലിയ കൂട്ടക്കുഴിമാടം. പതിനായിരക്കണക്കിന്​ മൃതദേഹങ്ങൾ ഇവിടെ സംസ്​കരിച്ചതായാണ്​ വിവരം.

അസദി​െൻറ ഭരണകാലത്ത്​ ലക്ഷക്കണക്കിന്​ പേരെ​ അനധികൃതമായി ജയിലിലടിച്ചിരുന്നു. ഇതിൽ നല്ലൊരു ശതമാനം പേരെയും ജയിലിൽവെച്ച്​ കൊലപ്പെടുത്തിയതായുള്ള വിവരങ്ങൾ പുറത്തുവന്നിട്ടുണ്ട്​.

അസദി​െൻറ ഭരണകാലത്ത് കാണാതായ ഒരു ലക്ഷത്തോളം പേർ മരിച്ചിട്ടുണ്ടാകുമെന്നാണ്​ സിറിയയിലെ മനുഷ്യാവകാശ പ്രവർത്തകർ സാക്ഷ്യപ്പെടുത്തുന്നത്​. മനുഷ്യാവകാശങ്ങൾക്കായുള്ള സിറിയൻ കൂട്ടായ്മയുടെ തലവൻ ഫാദൽ അബ്ദുൽഗനി പറയുന്നത് അസദിന്റെ ഭരണകാലത്ത് 1,36,000 പേരെ പിടികൂടുകയോ കാണാതാവുകയോ ചെയ്തിട്ടുണ്ടെന്നാണ്. ഇതിൽ 5000ഓളം ​പേർ കുട്ടികളാണ്.

അബ്ദുൽഗനിയും 21 പേരടങ്ങുന്ന സംഘവും ഇത്തരത്തിൽ കാണാതായവരുടെ വിവരങ്ങൾ ശേഖരിച്ചുവെച്ചിട്ടുണ്ട്. അസദ് ഭരണം ഇല്ലാതായതോടെ സംഘം എല്ലാ ജയിലുകളും സന്ദർശിക്കുകയും അവിടെനിന്ന് മോചിപ്പിച്ച തടവുകാരുടെ വിവരങ്ങൾ രേഖപ്പെടുത്തുകയും ചെയ്തു. അസദി​െൻറ ഭരണം വീണതോടെ 31,000 പേരെ മാത്രമാണ് വിട്ടയച്ചിട്ടുള്ളത്. അതിനാൽ തന്നെ ബാക്കി വരുന്ന ഒരു ലക്ഷത്തോളം പേർ കൊല്ലപ്പെട്ടിട്ടുണ്ടാകാനാണ് സാധ്യതയെന്ന് അബ്ദുൽ ഗനി പറയുന്നു.