വെളിപാടിന്റെ പുസ്തകത്തില്‍ പ്രൊഫ. ഇടിക്കുളയായി മോഹന്‍ലാല്‍
മോഹന്‍ലാലും തന്റെ പുതിയ ചിത്രത്തിലെ ഫോട്ടോ ആരാധകര്‍ക്കായി പങ്കുവച്ചിട്ടുണ്ട്.
മോഹന്‍ലാലും ലാല്‍ ജോസും ഒന്നിക്കുന്ന വെളിപാടിന്റെ പുസ്തകത്തിലെ മോഹന്‍ലാലിന്റെ ചിത്രം പുറത്തുവിട്ടു. പ്രൊഫസര്‍ മൈക്കിള്‍ ഇടിക്കുളയായി ലാലെത്തുന്ന ചിത്രം സംവിധായകന്‍ തന്നെയാണ് ഫേസ്ബുക്കിലൂടെ പുറത്തുവിട്ടത്. മോഹന്‍ലാലും തന്റെ പുതിയ ചിത്രത്തിലെ ഫോട്ടോ ആരാധകര്‍ക്കായി പങ്കുവച്ചിട്ടുണ്ട്.
ഗുരുശിഷ്യ ബന്ധത്തിന്റെ കഥ പറയുന്ന ചിത്രത്തില്‍ കോളേജ് അധ്യാപകന്റെ വേഷത്തിലാണ് ലാലെത്തുന്നത്. ബെന്നി പി നായരമ്പലമാണ് തിരക്കഥ. പ്രേക്ഷകരുടെ ഏറെ നാളത്തെ കാത്തിരിപ്പാണ് ലാല്‍ ജോസ് സംവിധാനത്തില്‍ ഒരു മോഹന്‍ലാല്‍ ചിത്രം. ആ ഒരു പ്രതീക്ഷയാണ് ചിത്രത്തിന്റെ ഏറ്റവും വലിയ ഹൈലൈറ്റ്. അങ്കമാലി ഡയറീസ് ഫെയിം രേഷ്മ രാജനാണ് നായിക.
സിദ്ധിഖ്, കലാഭവന്‍ ഷാജോണ്‍, അലന്‍സിയര്‍, അപ്പാനി രവി ഫെയിം ശരത്, അരുണ്‍ കുര്യന്‍,സലിം കുമാര്‍, അനൂപ് മേനോന്‍, പ്രിയങ്ക, സുബീഷ് സുധി എന്നിവരും ഈ ചിത്രത്തിലുണ്ട്. വിഷ്ണു ശര്‍മ്മയാണ് ക്യാമറ. ഷാന്‍ റഹ്മാന്‍ സംഗീത സംവിധാനവും. ആശിര്‍വാദ് സിനിമാസാണ് ആണ് ചിത്രത്തിന്റെ നിര്‍മ്മാണം.