നായകനായി, മോഹന്‍ലാല്‍ ആരാധകനായി ഇന്നസെന്റ്
Update: 2018-05-28 17:37 GMT
തിയറ്റര്‍ ഓപ്പറേറ്റര്‍ റപ്പായി എന്ന കഥാപാത്രത്തെയാണ് ഇന്നസെന്റ് അവതരിപ്പിക്കുന്നത്
സാവിത്രിയുടെ അരഞ്ഞാണം, ഡോ.ഇന്നസെന്റാണ് എന്നീ ചിത്രങ്ങള്‍ക്ക് ശേഷം ഇന്നസെന്റ് വീണ്ടും നായകനാകുന്നു. ‘സുവര്‍ണപുരുഷന്‍’ എന്ന് പേരിട്ടിരിക്കുന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തെത്തി.
നവാഗതനായ സുനില്‍ പുവേലി കഥയും തിരക്കഥയുമെഴുതി സംവിധാനം ചെയ്യുന്ന ചിത്രത്തില്‍ നടന്‍ മോഹന്‍ലാലിന്റെ കടുത്ത ആരാധകനായാണ് ഇന്നസെന്റ് അഭിനയിക്കുന്നത്. തിയറ്റര്‍ ഓപ്പറേറ്റര്‍ റപ്പായി എന്ന കഥാപാത്രത്തെയാണ് ഇന്നസെന്റ് അവതരിപ്പിക്കുന്നത്.
ശ്രീജിത്ത് രവി, മനു, സുനില്‍ സുഖദ, കലിംഗ ശശി, ഇടവേള ബാബു, ബിജുക്കുട്ടന്‍, കോട്ടയം പ്രദീപ്, സതീശ് മേനോന്‍, രാജേഷ് തംബുരു, ജയേഷ്, യഹിയ ഖാദര്‍, ലെന, അഞ്ജലി അമീര്‍, ദീപ്തി കല്യാണി, അശ്വതി, കുളപ്പുള്ളി ലീല തുടങ്ങിയവരാണ് മറ്റു താരങ്ങള്‍. ജീസ് ലാസറും ലിറ്റി ജോര്‍ജും ചേര്‍ന്നാണ് നിര്‍മ്മാണം.