ചെറിയൊരു പ്രശ്നമുണ്ട്, അയാളെ വേറാരും കണ്ടിട്ടില്ല; ആകാംക്ഷയുണര്‍ത്തി മോണ്‍സ്റ്റര്‍ ട്രയിലര്‍
മോഹന്‍ലാല്‍ ലക്കി സിംഗ് എന്ന കഥാപാത്രമായിട്ടാണ് ചിത്രത്തിലെത്തുന്നത്
Update: 2022-10-09 06:05 GMT
പുലിമുരുകന്‍ എന്ന സൂപ്പര്‍ഹിറ്റിനു ശേഷം മോഹന്‍ലാലും വൈശാഖും ഒന്നിക്കുന്ന മോണ്‍സ്റ്ററിന്‍റെ ട്രയിലര്‍ പുറത്തിറങ്ങി. മോഹന്‍ലാല്‍ ലക്കി സിംഗ് എന്ന കഥാപാത്രമായിട്ടാണ് ചിത്രത്തിലെത്തുന്നത്. ആകാംക്ഷയുണര്‍ത്തുന്ന രംഗങ്ങള്‍ കോര്‍ത്തിണക്കിയാണ് ട്രയിലര്‍ ഒരുക്കിയിരിക്കുന്നത്.
സിദ്ധിഖ്,ലെന. സുദേവ് നായര്‍, ഹണി റോസ്, മഞ്ജു ലക്ഷ്മി,ഗണേഷ് കുമാര്‍ എന്നിവരാണ് ചിത്രത്തിലെ മറ്റ് താരങ്ങള്‍. ഉദയ് കൃഷ്ണയാണ് തിരക്കഥ. ആശിര്‍വാദ് സിനിമാസിന്‍റെ ബാനറില്‍ ആന്‍റണി പെരുമ്പാവൂരാണ് മോണ്‍സ്റ്റര്‍ നിര്‍മിക്കുന്നത്. ക്യാമറ-സതീഷ് കുറുപ്പ്, സംഗീതം-ദീപക് ദേവ്.
ആറാട്ടിനു ശേഷം തിയറ്ററുകളിലെത്തുന്ന മോഹന്‍ലാല്‍ ചിത്രമാണ് മോണ്‍സ്റ്റര്‍.സിഖ് തലപ്പാവ് ധരിച്ച് തോക്കും തിരകളുമായി ഇരിക്കുന്ന മോഹന്‍ലാല്‍ കഥാപാത്രത്തിന്‍റെ ഫസ്റ്റ് ലുക്ക് പോസ്റ്റര്‍ വൈറലായിരുന്നു.