ടി സീരിസും റിലയന്‍സ് എന്‍റര്‍ടെയിന്‍മെന്‍റും ഒരുമിക്കുന്നു; അണിയറയില്‍ പത്തിലധികം ചിത്രങ്ങള്‍
തമിഴ് സിനിമകളുടെ റീമേക്കുകള്‍, ആക്ഷന്‍ ത്രില്ലറുകള്‍, ഡ്രാമ, ആക്ഷേപഹാസ്യം എന്നീ വിഭാഗങ്ങളിലുള്ള ചിത്രങ്ങളാണ് അണിയറയില്‍ ഒരുങ്ങുന്നത്
Update: 2021-09-13 07:48 GMT
ടി സീരിസും റിലയന്‍സ് എന്‍റര്‍ടെയിന്‍മെന്‍റും ഒരുമിക്കുന്നു. പത്തിലധികം ചിത്രങ്ങളാണ് ഈ കൂട്ടായ്മയില്‍ നിര്‍മിക്കാന്‍ പോകുന്നത്. തമിഴ് സിനിമകളുടെ റീമേക്കുകള്‍, ആക്ഷന്‍ ത്രില്ലറുകള്‍, ഡ്രാമ, ആക്ഷേപഹാസ്യം എന്നീ വിഭാഗങ്ങളിലുള്ള ചിത്രങ്ങളാണ് അണിയറയില്‍ ഒരുങ്ങുന്നത്. പല പ്രൊജക്ടുകളും പ്രാരംഭ ഘട്ടത്തിലാണ്.
സംഗീത വിപണിയില്‍ ഒരുമിച്ചു പ്രവര്‍ത്തിച്ചതിനു ശേഷമുള്ള ഈ കൂടിച്ചേരല്‍ ഞങ്ങളുടെ ബന്ധം ഒന്നുകൂടി ദൃഢമാക്കുമെന്നും പ്രേക്ഷകര്‍ക്ക് പുതിയ അനുഭവം സമ്മാനിക്കാന്‍ തങ്ങള്‍ക്ക് സാധിക്കുമെന്നും ടി സീരിസ് തലവനായ ഭൂഷന്‍ കുമാര്‍ പറഞ്ഞു.
"ഇന്ത്യന്‍ സിനിമാ ചരിത്രത്തിലെ വലിയൊരു ചുവടുവെയ്പ്പാണിത്. പ്രേക്ഷകര്‍ എന്നും ഓര്‍ത്തുവെയ്ക്കുന്ന ചിത്രങ്ങളായിരിക്കും ഞങ്ങള്‍ നിര്‍മിക്കുന്നത്."- റിലയന്‍സ് എന്‍റര്‍ടെയിന്‍മെന്‍റ് സിഇഒയായ സിഭാസിഷ് സര്‍ക്കാര്‍ പറഞ്ഞു.