സൂപ്പര്‍ സ്റ്റാറിനെ കൊണ്ട് ആര്‍ക്കാ ഗുണം? ഭ്രാന്തായി മൂത്ത് ഇടുന്നതാണോ: പാര്‍വതി തിരുവോത്ത്

സൂപ്പര്‍ സ്റ്റാര്‍ എന്ന ഇമേജ് കൊണ്ട് ആര്‍ക്കാണ് ഗുണമെന്ന് നടി പാര്‍വതി തിരുവോത്ത്. സൂപ്പർ സ്റ്റാർഡം ആർക്കും ഒന്നും കൊടുത്തിട്ടില്ലെന്നും പാര്‍വതിപറഞ്ഞു.

"സൂപ്പർ സ്റ്റാർഡം ആർക്കും ഒന്നും കൊടുത്തിട്ടില്ല. സമയം പാഴാക്കാനുള്ള കാര്യം മാത്രമാണത്. സൂപ്പർ സ്റ്റാർ എന്നത് എന്താണ് എന്ന് പോലും മനസിലാകുന്നില്ല. അതുകൊണ്ട് ഇവിടെ ആർക്കാണ് ​ഗുണം ഉണ്ടായിട്ടുള്ളത്. സൂപ്പർ സ്റ്റാറിന്റെ അർത്ഥം എന്താണെന്ന് എനിക്ക് മനസിലാകുന്നില്ല. ഇൻഫ്ലുവൻസ് ആണോ, ഇമേജ് ആണോ താരാരാധന മൂത്ത് ഭ്രാന്തായി ആൾക്കാര് ഇടുന്നതാണോ എന്നൊന്നും എനിക്കറിയില്ല. എന്നെ സൂപ്പർ ആക്ടർ എന്ന് വിളിച്ചാൽ ഞാൻ ഹാപ്പി ആണ്. ഫഹദ് ഫാസിൽ, ആസിഫ് അലി, റിമ കല്ലിങ്കൽ എന്നിവരാണ് എന്നെ സംബന്ധിച്ചിടത്തോളം കേരളത്തിലെ സൂപ്പർ ആക്ടേഴ്സ്", എന്നാണ് പാർവതി തിരുവോത്ത് പറഞ്ഞത്. റെഡ് എഫ്എമ്മിന് നൽകിയ അഭിമുഖത്തിൽ ആയിരുന്നു പാർവതിയുടെ പ്രതികരണം.

എന്നാല്‍ പാര്‍വതിക്കെതിരെ നിരവധി പേരാണ് സോഷ്യല്‍മീഡിയയില്‍ രംഗത്തെത്തിയത്. മോഹൻലാലിന്റെയും മമ്മൂട്ടിയുടെയും കഴിവ് അംഗീകരിക്കാനുള്ള ധാര്‍ഷ്ട്യമാണ് പാര്‍വതിയുടെതെന്നായിരുന്നു ചിലര്‍ കുറിച്ചത്. ഫഹദും ആസിഫും കഴിവില്ലാത്തവരല്ല എന്നല്ല ഇതിനര്‍ഥം. അവരെല്ലാം മികച്ച നടന്‍മാര്‍ തന്നെയാണ്. എന്നാല്‍ മമ്മൂട്ടിയെയും മോഹന്‍ലാലിനെയും ഇകഴ്ത്താന്‍ ബോധപൂര്‍വം ഈ മൂന്നു പേരെ എടുത്തുകാണിക്കുകയാണെന്നും വിമര്‍ശകര്‍ ചൂണ്ടിക്കാട്ടി.