കേരളത്തിലേക്ക്​ കൂടുതൽ എയർ ഇന്ത്യ എക്സ്പ്രസ്​ സർവീസുകൾ

ഈ മാസം 22 മുതൽ സെപ്തംബർ രണ്ടു വരെ 40​ അധിക വിമാന സർവീസുകളാണ്​ ഏർപ്പെടുത്തിയിരിക്കുന്നത്

ഓണം, ബക്രീദ്​ സീസൺ മുൻനിർത്തി യുഎഇയിൽ നിന്ന്​ ഇന്ത്യയിലേക്ക്​ എയർ ഇന്ത്യ എക്സ്പ്രസ്​ വക കൂടുതൽ സർവീസുകൾ. ഈ മാസം 22 മുതൽ സെപ്തംബർ രണ്ടു വരെ 40​ അധിക വിമാന സർവീസുകളാണ്​ ഏർപ്പെടുത്തിയിരിക്കുന്നത്​.

അധിക വിമാന സർവീസുകളിൽ ഏറിയകൂറും ഷാർജയിൽ നിന്നായിരിക്കും പുറപ്പെടുക. കേരളത്തിനു പുറമെ ദൽഹിയിലേക്കും സർവീസുകൾ ഏർപ്പടുത്തിയിട്ടുണ്ട്​. തിരുവനന്തപുരം, കൊച്ചി, കോഴിക്കോട്​ വിമാനത്താവളങ്ങളിലേക്കാണ്​ അഡീഷണൽ സർവീസുകൾ. കൂടുതൽ വിമാനങ്ങൾ കൊച്ചിയിലേക്കാണ്​. ഓരോ വിമാനത്തിലും 186 യാത്രക്കാർക്ക്​ സൗകര്യമുണ്ടാകും. ഓണം, ബക്രീദ്​ ഉൾപ്പെടെയുള്ള ആഘോഷങ്ങൾ മുൻനിർത്തി ആവശ്യക്കാരുടെ എണ്ണം ഉയർന്നതാണ്​ അഡീഷണൽ സർവീസുകൾ ഏർപ്പെടുത്താൻ പ്രേരണയായതെന്ന്​ എയർ ഇന്ത്യ എക്സ്പ്രസ്​ വൃത്തങ്ങൾ അറിയിച്ചു.