കല്യാണ്‍ സില്‍ക്സിന്റെ 25ാമത് ഷോറൂം മസ്കത്തില്‍ തുറന്നു
ബ്രാൻഡ്‌ അംബാസഡറും ചലച്ചിത്ര താരവുമായ പ്രിഥ്വിരാജാണ് ഉദ്ഘാടനം നിർവഹിച്ചത്.
പട്ടിന്റെ വിസ്മയം തീർത്ത് കല്യാൺ സിൽക്സിന്റെ 25 മത് ഷോറൂം മസ്കത്തിലെ റൂവിയിൽ തുറന്നു . ബ്രാൻഡ്‌ അംബാസഡറും ചലച്ചിത്ര താരവുമായ പ്രിഥ്വിരാജാണ് ഉദ്ഘാടനം നിർവഹിച്ചത്.
വൻ ജനകൂട്ടത്തെ സാക്ഷി നിർത്തിയാണ് കല്യാൺ സിൽക്സിന്റെ ഒമാനിലെ ആദ്യ ഷോറൂം നടൻ പ്രിഥ്വിരാജ് ഉദ്ഘാടനം ചെയ്തത് . ഉദ്ഘാടനത്തിനോടനുബന്ധിച്ചു നടന്ന പരിപാടിയിൽ ആരാധകരുടെ ആവശ്യപ്രകാരം 'എന്ന് സ്വന്തം മൊയ്തീൻ ' സിനിമയിൽ നിന്നുള്ള ഡയലോഗ് പറയാനും താരം മടിച്ചില്ല .രണ്ടു നിലകളിലായിട്ടുള്ള ഷോറൂമിൽ ലോകോത്തര പട്ടിന്റെ വിശാലമായ ശേഖരമാണ് ഒരുക്കിയിട്ടുള്ളത് . ഒമാനിലെ പ്രവാസി സമൂഹത്തിന്റെ ഏറെ കാലമായുള്ള ആവശ്യമാണ്‌ പുതിയ ഷോറൂമിലൂടെ സാക്ഷാത്കരിച്ചതെന്നു കല്യാൺ സിൽക്സ് ചെയർമാൻ ടി.എസ് പട്ടാഭിരാമൻ പറഞ്ഞു. കല്യാൺ സിൽക്സ്‌ന്റെ മിഡിലീസ്റ്റിലെ ആറാമത്തെ ഷോറൂം ഈ വർഷം പകുതിയോടെ യു എ യിൽ തുറക്കമെന്നും അദ്ദേഹ കൂട്ടിച്ചേര്‍ത്തു.