മാഹി നിവാസികളുടെ കൂട്ടായ്മ മൂന്നാം വാര്‍ഷികം സംഘടിപ്പിച്ചു
Update: 2018-05-11 21:25 GMT
വാര്‍ഷികത്തോടനുബന്ധിച്ച് ക്രിക്കറ്റ് ടൂര്‍ണമെന്റും നടത്തി
സൗദി ദമ്മാമിലെ തലശ്ശേരി, മാഹി നിവാസികളുടെ കൂട്ടായ്മ മൂന്നാം വാര്‍ഷികം സംഘടിപ്പിച്ചു. വാര്‍ഷികത്തോടനുബന്ധിച്ച് ക്രിക്കറ്റ് ടൂര്‍ണമെന്റും നടത്തി. വൈവിധ്യങ്ങളായ തലശ്ശേരി വിഭവങ്ങളുടെ പ്രദര്‍ശനവും വില്പന മേളയും വാര്ഷികതോടനുബന്ധിച്ച് സംഘടിപ്പിച്ചിരുന്നു.
ദമ്മാം റാഖയിലെ സബ്‌സാ സ്റ്റേഡിയത്തില്‍ വെച്ചാണ് പരിപാടി സംഘടിപ്പിച്ചത്. വാര്‍ഷികത്തോടനുബന്ധിച്ച് ആറു ടീമുകള്‍ പങ്കെടുത്ത ക്രിക്കറ്റ് ടൂര്‍ണ്ണമെന്റു നടന്നു. ഇത് മൂന്നാം തവണയാണ് ടൂര്‍ണ്ണമെന്റെ സംഘടിപ്പിക്കുന്നത്. ടൂര്‍ണ്ണമെന്റ് ഫൈനലില്‍ OVCC ഫൈയ്റ്റേഴ്‌സിനെ തോല്‍പ്പിച്ച് പള്ളിത്താഴം റോക്കേഴ്‌സ് വിജയികളായി. ഷൈജു മണിക്കോത്ത് മാന്‍ ഓഫ് ദി മാച്ചായും അഫ്‌നാസ് താഴത്ത് മികച്ച കളിക്കാരനായും തെരഞ്ഞെടുത്തു. രണ്ട് ദിവസങ്ങളിലായാണ് വാര്‍ഷിക പരിപാടികള്‍ സംഘടിപ്പിച്ചത്. പരിപാടിയില്‍ അസോസിയേഷന്‍ വനിതാ വിഭാഗം ഒരുക്കിയ ഭകഷ്യ മേള സന്ദര്‍ശകരെ ഏറെ ആകര്‍ഷിച്ചു. രൂചിയൂറുന്ന തലശ്ശേരി വിഭവങ്ങളുടെ നിര തന്നെ മേളയുടെ ഭാഗമായി ഒരുക്കിയിരുന്നു. ഭാരവാഹികളായ മുസ്തഫ, മുഹമ്മദ്, ഷറഫ്, ഷുറൈല്‍, ഇമ്രാന്‍ എന്നിവര്‍ പരിപാടികള്‍ക്ക് നേതൃത്വം നല്‍കി.