തിരുനബിയുടെ സ്നേഹലോകം; ഐ.സി.എഫ് കുവൈത്ത് ഗ്രാൻറ് മീലാദ് സമ്മേളനം സംഘടിപ്പിച്ചു

കേവല ആചാരങ്ങൾ മാത്രമല്ല, ജീവിതദർശനമാണ് ഇസ്‌ലാമെന്നും തലമുറകളിൽനിന്ന് കൈമാറിക്കിട്ടിയ ഉത്തമ മൂല്യങ്ങൾ ഉൾക്കൊള്ളുമ്പോഴാണ് സാംസ്കാരിക മുന്നേറ്റം സാധ്യമാകുന്നതെന്നും കേരള ഹജ്ജ് കമ്മിറ്റി ചെയർമാൻ സി. മുഹമ്മദ് ഫൈസി.‘തിരുനബിയുടെ സ്നേഹലോകം’ എന്ന പ്രമേയത്തിൽ ഐ.സി.എഫ് കുവൈത്ത് സംഘടിപ്പിച്ച ഗ്രാൻറ് മീലാദ് സമ്മേളനത്തിൽ മുഖ്യ പ്രഭാഷണം നടത്തുകയായിരുന്നു അദ്ദേഹം.

ഡോ. ശൈഖ് അഹമദ് നിസ്ഫ് പരിപാടി ഉദ്ഘാടനം ചെയ്തു. ഹബീബ് അൽ ബുഖാരി അധ്യക്ഷനായിരുന്നു.മലയാളം, അറബി, ഉർദു ഭാഷകളിൽ മൗലീദുകളുടെയും കീർത്തന ഗാനങ്ങളുടെയും ആലാപനങ്ങൾ നടന്നു. ശറഫുദ്ദീൻ കണ്ണേത്ത് ,അബ്ദുറഹിമാൻ സഖാഫി എന്നിവർ ആശംസകൾ നേർന്നു. അബ്ദുല്ല വടകര, അബുമുഹമ്മദ് എന്നീവര്‍ പരിപാടികള്‍ക്ക് നേതൃത്വം നല്‍കി..