ശൈഖ് സഈദിന്റെ വിയോഗത്തിൽ അനുശോചിച്ച് കുവൈത്ത്

കുവൈത്ത് സിറ്റി: അബൂദബി രാജകുടുംബാംഗം ശൈഖ് സഈദ് ബിൻ സായിദ് ആൽ നഹ്യാന്റെ വിയോഗത്തിൽ അനുശോചിച്ച് കുവൈത്ത്. അമീർ ശൈഖ് നവാഫ് അൽ അഹ്മദ് അൽ ജാബിർ അസ്സബാഹ്, യു.എ.ഇ പ്രസിഡന്റ് ശൈഖ് മുഹമ്മദ് ബിൻ സായിദ് അൽ നഹ്യാനെ അനുശോചനം അറിയിച്ചു.

ശൈഖ് സയീദിന്റെ മരണത്തിൽ അഗാധമായ ദുഃഖം രേഖപ്പെടുത്തിയ അമീർ അദ്ദേഹത്തിന്റെ ആത്മാവിനും കുടുംബത്തിനും വേണ്ടി പ്രാർഥിക്കുന്നതായും അനുശോചന സന്ദേശത്തിൽ വ്യക്തമാക്കി. കിരീടാവകാശിയും പ്രധാനമന്ത്രിയും അല്‍ നഹ്യാന്റെ നിര്യാണത്തിൽ അനുശോചിച്ചു.

അബൂദബി ഭരണാധികാരിയുടെ പ്രതിനിധിയും പ്രസിഡന്റ് ശൈഖ് മുഹമ്മദിന്റെ സഹോദരനുമാണ് ശൈഖ് സഈദ് ബിൻ സായിദ് ആൽ നഹ്യാൻ. രോഗബാധിതനായി ചികിത്സയിലായിരുന്നു.