എറണാകുളം സ്വദേശി മസ്തിഷ്‍കാഘാതത്തെ തുടർന്ന് ഒമാനിൽ നിര്യാതനായി

മസ്കത്ത്: എറണാകുളം സ്വദേശി മസ്തിഷ്‍കാഘാതത്തെ തുടർന്ന് ഒമാനിൽ നിര്യാതനായി. ചോറ്റാനിക്കരയിലെ പ്രജിത് പ്രസാദ് (35) ആണ് മസ്കത്തിലെ സ്വകാര്യ ആശുപത്രിയിൽ മരിച്ചത്. നാല് വർഷമായി ഷാഹി ഫുഡ്സ് ആൻഡ് സ്പൈസസിൽ ​എം.ഐ.എസ് അനലിസ്റ്റായി ജോലി ചെയ്തുവരികയായിരുന്നു. പിതാവ്: പരേതനായ പ്രസാദ്. മാതാവ്:സോനി സുദർശൻ. ഭാര്യ: പൂജ ഗോപിനാഥൻ. മകൻ: ശ്രീഹരി പ്രജിത്. നടപടികൾ പൂർത്തിയാക്കി മൃത​ദേഹം ചൊവ്വാഴ്ച വൈകീട്ടോടെ നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവർ അറിയിച്ചു.