പ്രധാനമന്ത്രിയുടെ യു.എ.ഇ സന്ദര്‍ശനം അവസാനിച്ചു; ഉഭയകക്ഷി സഹകരണം വിപുലമാക്കാൻ ധാരണ
അബൂദബിയിലെ വിമാനത്താവളത്തിൽ ഇറങ്ങിയ മോദിയെ യു.എ.ഇ പ്രസിഡന്‍റ് ശൈഖ്മുഹമ്മദ് ബിൻ സായിദ് ആല്‍ നഹ്യാൻ നേരിട്ടെത്തിയാണ്സ്വീകരിച്ചത്
Update: 2022-06-29 04:32 GMT
ദുബൈ: പ്രധാനമന്ത്രി നരേന്ദ്ര മോദി യു .എ.ഇ പ്രസിഡന്‍റ് ശൈഖ് മുഹമ്മദ് ബിൻ സായിദ് ആൽ നഹ്‌യാനുമായി കൂടിക്കാഴ്ച നടത്തി. അബൂദബിയിൽ വെച്ചായിരുന്നു കൂടിക്കാഴ്ച. ജർമനിയിൽ നടന്ന ജി 7 ഉച്ചകോടിക്ക്ശേഷമാണ് മോദി യു.എ.ഇയിൽ എത്തിയത്.
അബൂദബിയിലെ വിമാനത്താവളത്തിൽ ഇറങ്ങിയ മോദിയെ യു.എ.ഇ പ്രസിഡന്‍റ് ശൈഖ്മുഹമ്മദ് ബിൻ സായിദ് ആൽ നഹ്യാൻ നേരിട്ടെത്തിയാണ്സ്വീകരിച്ചത്. പുതിയ പ്രസിഡന്‍റായി ചുമതലയേറ്റ ശൈഖ് മുഹമ്മദ് ബിൻ സായിദിനെ അഭിനന്ദിക്കുകയും മുൻ പ്രസിഡന്‍റ് ശൈഖ് ഖലീഫ ബിൻ സായിദ് ആൽ നഹ്യാന്‍റെ നിര്യാണത്തിൽ അനുശോചനംരേഖപ്പെടുത്തുകയും ചെയ്യുകയെന്ന ലക്ഷ്യത്തോടെയായിരുന്നു മോദിയുടെ സന്ദർശനം. അബൂദബി കൊട്ടാരത്തിൽ ശൈഖ്മുഹമ്മദ് ബിൻ സായിദുമായി മോദി കൂടിക്കാഴ്ചനടത്തി. ഇരുരാജ്യങ്ങളിലെയും ഉന്നത ഉദ്യോഗസ്ഥരും പങ്കെടുത്തു. ഉഭയകക്ഷിസഹകരണം ശക്തിപ്പെടുത്തുന്നതിനെ കുറിച്ച്ചർച്ച ചെയ്തു.
യു.എ.ഇ പ്രസിഡന്‍റിന്‍റെ ഉപദേഷ്ടാവ് ഡോ. അൻവർ ഗർഗാഷ്, വ്യവസായ-സാങ്കേതിക വിദ്യവകുപ്പ് മന്ത്രി ഡോ സുൽത്താൻ അൽജാബർ, കേന്ദ്ര വിദേശകാര്യ മന്ത്രി ഡോ. എസ്. ജയ്ശങ്കർ, ദേശീയ സുരക്ഷ ഉപദേഷ്ടാവ് അജിത്ഡോവൽ, വിദേശകാര്യ സെക്രട്ടറി വിനയ് മോഹൻ ക്വാത്ര, യു.എ.ഇയിലെഇന്ത്യൻ അംബാസഡർ സഞ്ജയ് സുധീർ തുടങ്ങിയവർ പങ്കെടുത്തു. ശൈഖ്മുഹമ്മദ് ബിൻ സായിദിന് പുറമെ ശൈഖ്ഖലീഫയുടെ കുടുംബാംഗങ്ങളായ ശൈഖ് തഹ്നൂൻ ബിൻ സായിദ് ആൽ നഹ്യാൻ, ശൈഖ്മൻസൂർ ബിൻ സായിദ് ആൽ നഹ്യാൻ, ശൈഖ് ഹമദ്ബിൻ സായിദ് ആൽ നഹ്യാൻ, ശൈഖ്അബ്ദുല്ല ബിൻ സായിദ്ആല്‍ നഹ്യാൻ എന്നിവരെയും മോദി അനുശോചനംഅറിയിച്ചു.
വളരെഅടുപ്പമുള്ള രാഷ്ട്രങ്ങളുടെ നേതാക്കളെ മാത്രമാണ് യു.എ.ഇ പ്രസിഡന്‍റ് വിമാനത്താവളത്തിൽ നേരിട്ടെത്തി സ്വീകരിക്കാറ്. ഇരുരാജ്യങ്ങളും തമ്മിലുള്ള സൗഹൃദത്തിന്‍റെ ഊഷ്മളത വ്യക്തമാക്കിയാണ്മോദിയെ വിമാനത്താവളത്തിൽ എത്തി ശൈഖ്മുഹമ്മദ് സ്വീകരിച്ചത്. ഇതു നാലാം തവണയാണ് പ്രധാനമന്ത്രിയെന്ന നിലയിൽ മോദി യു.എ.ഇ സന്ദർശിക്കുന്നത്.