ബിസിനസുകാരന്റെ ആത്​മഹത്യാകുറിപ്പിൽ ഇഡിക്കെതിരെ ആരോപണം; സർക്കാർ സ്​പോൺസേർഡ്​ കൊലപാതകമെന്ന്​ കോൺഗ്രസ്​

ഭോപ്പാൽ: മധ്യപ്രദേശിൽ എൻഫോഴ്​സ്​മെൻറ്​ ഡയറക്​ടറേറ്റും ബിജെപി നേതാക്കളും ഉപദ്രവിക്കുകയാണെന്ന്​ ആരോപിച്ച്​​ ബിസിനസുകാരനും ഭാര്യയും ആത്​മഹത്യ ചെയ്​ത സംഭവത്തിൽ ബിജെപിക്കെതിരെ ആഞ്ഞടിച്ച്​ കോൺഗ്രസ്​. ആത്​മഹത്യാ കുറിപ്പ്​ പുറത്തുവന്നതിന്​ പിന്നാലെ ബിജെപിക്കെതിരെ കോൺഗ്രസ്​ രംഗത്തുവന്നു. എന്നാൽ, ആരോപണങ്ങൾ നിഷേധിച്ച സംസ്​ഥാന മന്ത്രി പ്രഹ്​ളാദ്​ സിങ്​ പ​ട്ടേൽ, ഇത്തരം ഗൂഢാലോചനകളിൽനിന്ന്​ പ്രതിപക്ഷം വിട്ടുനിൽക്കണമെന്നും ആവശ്യപ്പെട്ടു.

ബിസിനസുകാരനായ മനോജ്​ പർമാറിനെയും ഭാര്യ നേഹയുമാണ്​ വെള്ളിയാഴ്​ച തൂങ്ങിമരിച്ച നിലയിൽ കണ്ടെത്തിയത്​. ഇവരുടെ ആത്​മഹത്യാ കുറിപ്പ്​ സാമൂഹിക മാധ്യമങ്ങളിൽ വലിയരീതിയിൽ പ്രചരിക്കുന്നുണ്ട്​. ബിജെപി നേതാക്കളും എൻഫോഴ്​സ്​മെൻറ്​ ഡയറക്​ടറേറ്റും തങ്ങളെ പീഡിപ്പിക്കുകയാണെന്ന്​ ഇതിൽ ആരോപിക്കുന്നുണ്ട്​.

ഇന്ത്യൻ പ്രസിഡൻറ്​, പ്രധാനമന്ത്രി നരേന്ദ്ര മോദി, ലോക്​സഭാ പ്രതിപക്ഷ നേതാവ്​ രാഹുൽ ഗാന്ധി എന്നിവരെ അഭിസംബോധന ചെയ്​താണ്​ കുറിപ്പ്​ എഴുതിയിട്ടുള്ളത്​. ത​െൻറ മക്ക​ളെ പരിചരിക്കണമെന്ന്​ പാർമർ രാഹുൽ ഗാന്ധിയോടും കോൺഗ്രസ്​ നേതാക്കളോടും അഭ്യർഥിക്കുന്നുണ്ട്​. രണ്ട്​ ആൺ മക്കളും ഒരു മകളുമാണ്​ ദമ്പതികൾക്കുള്ളത്​.

ഇവരുടെ മരണം സർക്കാർ സ്​പോൺസർ ചെയ്​ത കൊലപാതകമാണെന്നും പാർട്ടിയെ പിന്തുണച്ചതിനാണ്​ അവരെ സർക്കാർ ലക്ഷ്യമിട്ടതെന്നും കോൺഗ്രസ്​ ആരോപിച്ചു. ഭാരത്​ ജോഡോ ന്യായ്​ യാത്രക്കിടെ ഇവരുടെ മക്കൾ രാഹുൽ ഗാന്ധിക്ക്​ ഉപഹാരം നൽകിയിരുന്നു.

കോൺഗ്രസ്​ എംപി ജിട്ടു പട്​വാരി മക്കളെ സന്ദർ​ശിക്കുകയും രാഹുലുമായി ഫോണിൽ സംസാരിക്കുകയും ചെയ്​തു. മക്കളെ ബിജെപിയിൽ ചേർക്കണമെന്ന ഇഡിയുടെ സമ്മർദത്തിന്​ വഴങ്ങാതെ പിതാവ്​ ജീവനൊടുക്കുകയായിരുന്നുവെന്ന്​ മൂത്ത മകൻ പറഞ്ഞു.

അതേസമയം, കള്ളപ്പണം വെളുപ്പിക്കൽ തടയൽ നിയമപ്രകാരം ഡിസംബർ അഞ്ചിന്​ പാർമറുമായും മറ്റുള്ളവരുമായും ബന്ധപ്പെട്ടയിടങ്ങളിൽ പരിശോധന നടത്തിയിരുന്നുവെന്നാണ്​ ഇഡി ഭോപ്പാൽ സോണൽ ഓഫീസ്​ പറയുന്നത്​. കുറ്റകരമായ രേഖകൾ കണ്ടെടുത്തിട്ടുണ്ട്​. സിബിഐ പാർമറിനും പഞ്ചാബ്​ നാഷനൽ ബാങ്ക് സീനിയർ​ ബ്രാഞ്ച്​ മാനേജർക്കുമെതിരെ എടുത്ത എഫ്​ഐആറി​െൻറ അടിസ്​ഥാനത്തിലാണ്​ അന്വേഷണം ആരംഭിച്ചതെന്നും ഇഡി പറയുന്നു​.

പ്രധാനമന്ത്രി എം​േപ്ലായ്​മെൻറ്​ ജനറേഷൻ ​പ്രോ​ഗ്രാം, മുഖ്യമന്ത്രിയുടെ യുവ ഉദ്യമി യോജന എന്നീ പദ്ധതികൾ പ്രകാരം ആറ്​ കോടി കടമെടുത്തിരുന്നു. ഇത്​ മറ്റു ആവശ്യങ്ങൾക്ക്​ വകമാറ്റിയെന്നും​ ഇഡി ആരോപിക്കുന്നുണ്ട്​​.