വോട്ടെണ്ണൽ ദിനത്തിൽ സുതാര്യത ഉറപ്പാക്കണം; ഇൻഡ്യാ സഖ്യം തെരഞ്ഞെടുപ്പ് കമ്മീഷനെ കാണും

ന്യൂഡൽഹി: ഇൻഡ്യാ സഖ്യ നേതാക്കൾ വൈകീട്ട് തെരഞ്ഞെടുപ്പ് കമ്മീഷനെ കാണും. വോട്ടെണ്ണൽ ദിനത്തിൽ സുതാര്യത ഉറപ്പാക്കാൻ സജ്ജീകരണങ്ങൾ ഒരുക്കണമെന്ന് ആവശ്യപ്പെട്ടാണ് കൂടിക്കാഴ്ച്ച. വൈകീട്ട് 4.30ന് കൂടിക്കാഴ്ചയ്ക്കുള്ള സമയം അനുവദിച്ചു.

വോട്ടെടുപ്പ് ദിവസങ്ങളിൽ വലിയ തോതിലുള്ള അക്രമങ്ങളുണ്ടായിരുന്നു. ഇത് വോട്ടെണ്ണൽ ​ദിനത്തിൽ ഉണ്ടാവാരുത്. ഓരോ റൗണ്ട് എണ്ണിയതിന് ശേഷം എന്തെങ്കിലും പ്രശ്നങ്ങളുണ്ടെങ്കിൽ അവ പരിഹരിച്ചതിനുശേഷം മാത്രമായിരിക്കണം അടുത്ത റൗണ്ടിലേക്ക് കടക്കേണ്ടത്. തുടങ്ങിയവയാണ് ഇൻഡ്യാ മുന്നണി നേതാക്കളുടെ പ്രധാന ആവശ്യങ്ങൾ.

ഏതൊക്കെ നേതാക്കളായിരിക്കും കൂടിക്കാഴ്ചയിൽ പങ്കെടക്കുക എന്നതിൽ വ്യക്തതയില്ല. കഴിഞ്ഞ ​ദിവസം ചേർന്ന ഇൻഡ്യാ മുന്നണി നേതാക്കളുടെ യോ​ഗത്തിലാണ് കമ്മീഷനെ കാണാനുള്ള തീരുമാനം ഉണ്ടായത്.