ഗുജറാത്ത് തീരത്ത് പാക് നാവികസേനയുടെ വെടിവെപ്പ്: മത്സ്യത്തൊഴിലാളി കൊല്ലപ്പെട്ടതായി റിപ്പോര്‍ട്ട്

ഗുജറാത്ത് തീരത്ത് ഇന്ത്യൻ മത്സ്യത്തൊഴിലാളികൾക്കു നേരെ പാക്കിസ്താന്‍ വെടിവെപ്പ്. ഒരു മത്സ്യത്തൊഴിലാളി കൊല്ലപ്പെട്ടതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു. ശ്രീധർ എന്നയാളാണ് മരിച്ചത്. പാക്ക് നാവിക ഉദ്യോഗസ്ഥൻ വെടിവെച്ചു എന്നാണ് പ്രാഥമിക വിവരം.

ഗുജറാത്തിലെ ദ്വാരകയിലാണ് സംഭവം. ജൽപാരി എന്ന ബോട്ടിൽ യാത്ര ചെയ്ത മത്സ്യത്തൊഴിലാളികൾക്കു നേരെയാണ് പാക്കിസ്താന്‍ നാവികസേന വെടിവയ്പ് നടത്തിയത്. ഏഴുപേരാണ് ബോട്ടിലുണ്ടായിരുന്നത്. ആറുപേരെ പാക്ക് സൈന്യം തടഞ്ഞുവച്ചിരിക്കുകയാണെന്ന് ദേശീയമാധ്യമങ്ങൾ റിപ്പോർട്ട് ചെയ്യുന്നു. അതേസമയം ആക്രമണം സംബന്ധിച്ച്​ ഔദ്യോഗിക സ്​ഥിരീകരണം ഉണ്ടായിട്ടില്ല.