കാര്‍ തല്ലി തകര്‍ത്തു, കരിയോയില്‍ ഒഴിച്ചു; ഉത്തര്‍പ്രദേശില്‍ ബിജെപി എംഎല്‍എക്ക് നേരെ കര്‍ഷകരുടെ പ്രതിഷേധം, വീഡിയോ
ഭാരതീയ കിസാന്‍ യൂണിയനിലെ അംഗങ്ങളാണ് തന്നെ ആക്രമിച്ചതെന്ന് ഉമേഷ് മാലിക്ക് ആരോപിക്കുന്നു
Update: 2021-08-14 15:57 GMT
ഉത്തര്‍ പ്രദേശില്‍ ബിജെപി എംഎല്‍എ ഉമേഷ് മാലിക്കിനെതിരെ കര്‍ഷകരുടെ പ്രതിഷേധം. എം.എല്‍.എയുടെ വാഹനത്തിന് നേരെ കല്ലേറുണ്ടായി. ഉത്തര്‍ പ്രദേശിലെ മുസഫര്‍നഗറിലുള്ള സിസൌലി ഗ്രാമത്തിലാണ് സംഭവം. എം.എല്‍.എയുടെ കാറിന് നേരെ കല്ലുകള്‍ എറിയുകും കറുത്ത മഷിയും കരിയോയില്‍ ഒഴിക്കുകയും ചെയ്തു. സംഭവത്തിന്‍റെ വീഡിയോ സാമൂഹ്യ മാധ്യമങ്ങളില്‍ വൈറലാണ്.
ഭാരതീയ കിസാന്‍ യൂണിയനിലെ അംഗങ്ങളാണ് തന്നെ ആക്രമിച്ചതെന്ന് ഉമേഷ് മാലിക്ക് ആരോപിക്കുന്നു. കൂട്ടം കൂടിയെത്തുന്ന കര്‍ഷകര്‍ കാറിന് ചുറ്റും ഓടുന്നതും വണ്ടിയില്‍ അടിക്കുന്നതും പുറത്തുവന്ന വീഡിയോയില്‍ കാണാം. പോലീസുകാരടക്കം സ്ഥലത്തുണ്ടായിരുന്നു. യൂത്ത് കോണ്‍ഗ്രസ് ദേശീയ അധ്യക്ഷന്‍ ബിവി ശ്രീനിവാസും കര്‍ഷകരെ പിന്തുണച്ച് വീഡിയോ പങ്കുവെച്ചിട്ടുണ്ട്.