മികച്ച പൊതുസേവനത്തിനുള്ള ബംഗാൾ മുഖ്യമന്ത്രിയുടെ മെഡൽ പി.ബി സലിം ഐ.എ.എസിന്

കൊൽക്കത്ത: മികച്ച പൊതുസേവനത്തിനുള്ള പശ്ചിമബംഗാൾ മുഖ്യമന്ത്രിയുടെ മെഡൽ മലയാളിയായ പി.ബി സലിം ഐ.എ.എസിന്. മുഖ്യമന്ത്രി മമതാ ബാനർജിയുടെ ഓഫീസിലെ പ്ലാനിങ് ആന്റ് മോണിറ്ററിങ് സെക്രട്ടറിയും, ബംഗാൾ ഊർജവികസന കോർപറേഷൻ ലിമിറ്റഡ് സി.എം.ഡിയുമായി പി.ബി സലിം.

സ്വാതന്ത്ര്യദിനാഘോഷ പരിപാടിയിൽ മുഖ്യമന്ത്രി മമതാ ബാനർജി സലിമിന്‌ മെഡൽ സമ്മാനിച്ചു. ബംഗാൾ കേഡർ ഐ.എ.എസ് ഓഫീസറായ സലിം നേരത്തെ കോഴിക്കോട്, കണ്ണൂർ ജില്ലകളിൽ കലക്ടറായി പ്രവർത്തിച്ചിരുന്നു. മൂവാറ്റുപുഴ സ്വദേശിയാണ്.