ഹിബത്തുള്ള അഖുന്‍സാദ പുതിയ താലിബാന്‍ നേതാവ്
Update: 2018-04-18 18:35 GMT
അഫ്ഗാന്‍ താലിബാന്റെ പുതിയ നേതാവായി ഹിബത്തുള്ള അഖുന്‍സാദയെ തെരഞ്ഞെടുത്തു.
അഫ്ഗാന്‍ താലിബാന്റെ പുതിയ നേതാവായി ഹിബത്തുള്ള അഖുന്‍സാദയെ തെരഞ്ഞെടുത്തു. താലിബാന്‍ വക്താവ് തന്നെയാണ് പുതിയ മേധാവിയെ തെരഞ്ഞെടുത്ത കാര്യം അറിയിച്ചത്.
താലിബാന്‍ നേതാവായ മുല്ല അക്തര്‍ മന്‍സൂര്‍ യുഎസിന്റെ ഡ്രോണ്‍ ആക്രമണത്തില്‍ കഴിഞ്ഞ ദിവസം കൊല്ലപ്പെട്ടതോടെയാണ് താലിബാന്‍ പുതിയ മേധാവിയെ തെരഞ്ഞെടുത്തത്. മുല്ല അക്തര്‍ മന്‍സൂര്‍ കൊല്ലപ്പെട്ടതായും ഹിബത്തുള്ള അഖുന്‍സാദയെ പുതിയ മേധാവിയിയായി തെരഞ്ഞെടുത്തായും താലിബാന്‍ വക്താവ് അറിയിച്ചു. സിറാജുദ്ദീന്‍ ഹഖാനിയെയും മുല്ല ഉമറിന്റെ മകന്‍ മുല്ല യാഖൂബിനെയും ഉപമേധാവികളായും തെരഞ്ഞെടുത്തു.
ബലൂചിസ്താനില്‍ നടത്തിയ ഡ്രോണ്‍ ആക്രമണത്തില്‍ മന്‍സുര്‍ കൊല്ലപ്പെട്ടതായി അമേരിക്ക നേരത്തെ തന്നെ വ്യക്തമാക്കിയിരുന്നു. എന്നാല്‍ ഇക്കാര്യം സ്ഥിരീകരിക്കാന്‍ താലിബാന്‍ തയ്യാറായിരുന്നില്ല. രണ്ട് വര്‍ഷം മുമ്പ് മുല്ല ഉമര്‍ കൊല്ലപ്പെട്ടതോടെയാണ് മന്‍സൂറിനെ തെരഞ്ഞെടുത്തത്.