റോഡിലേക്ക് പറന്നിറങ്ങി തീഗോളമായി വിമാനം
Update: 2018-05-02 22:32 GMT
സിഗ്നല്‍ മാറുന്നതിനായി തിരക്കേറിയ റോഡില്‍ കാത്തുകിടക്കുകയായിരുന്നു വാഹനങ്ങള്‍. എന്താണ് സംഭവിക്കുന്നതെന്ന് വ്യക്തമാകും മുന്‍പ് ആകാശത്തുനിന്നും റോഡരികിലേക്ക് പറന്നിറങ്ങി വിമാനം തീഗോളമായി മാറി
സിഗ്നല്‍ മാറുന്നതിനായി തിരക്കേറിയ റോഡില്‍ കാത്തുകിടക്കുകയായിരുന്നു വാഹനങ്ങള്‍. പെട്ടെന്നാണ് എവിടെനിന്നോ ചെറിയൊരു വിമാനം കണ്‍മുന്നില്‍വന്നത്. എന്താണ് സംഭവിക്കുന്നതെന്ന് വ്യക്തമാകും മുന്‍പ് ആകാശത്തുനിന്നും റോഡരികിലേക്ക് പറന്നിറങ്ങി വിമാനം തീഗോളമായി മാറി. വിമാനം കത്തിപ്പോയെങ്കിലും അതിലുണ്ടായിരുന്ന പൈലറ്റും യാത്രക്കാരും വലിയ പരിക്കുകളില്ലാതെ രക്ഷപ്പെട്ടു.
വാഷിങ്ടണിലെ മക്ള്‍ടിയോയിലാണ് സംഭവം. പറന്നുയരാന്‍ ശ്രമിച്ച വിമാനത്തിന്‍റെ എഞ്ചിന്‍ തകരാറിലായതോടെ അടുത്തുള്ള ഒഴിഞ്ഞ പ്രദേശത്ത് പൈലറ്റ് ക്രാഷ് ലാന്‍ഡിന് ശ്രമിക്കുകയായിരുന്നു. എന്നാല്‍ താഴ്ന്നു പറക്കുന്നതിനിടെ വൈദ്യുത കമ്പിയില്‍ ഉരസി തീപിടിക്കുകയായിരുന്നു. പിന്നാലെ ഇന്ധനടാങ്കിന് തീപിടിച്ചാണ് വിമാനം തീഗോളമായത്. റോഡിലുണ്ടായിരുന്ന വാഹനങ്ങള്‍ക്ക് കേടുപാടുണ്ടായെങ്കിലും ആര്‍ക്കും പരിക്കേറ്റിട്ടില്ല.
റോഡില്‍ കാത്തുകിടന്ന കാറില്‍ ഘടിപ്പിച്ചിരുന്ന ക്യാമറയിലാണ് ഈ ദൃശ്യം പതിഞ്ഞത്.