ഹിലാരിക്ക് പിന്തുണയുമായി ഒബാമ
Update: 2018-05-08 15:27 GMT
പിന്തുണ അറിയിക്കുന്ന വീഡിയോ ഹിലാരി സ്വന്തം ട്വിറ്റര്‍ അക്കൌണ്ടിലൂടെ പുറത്തുവിട്ടു.
പ്രസിഡന്റ് തെരഞ്ഞെടുപ്പില്‍ ഹിലാരി ക്ലിന്റണ് പിന്തുണയുമായി അമേരിക്കന്‍ പ്രസിഡന്റ് ബരാക് ഒബാമ. പിന്തുണ അറിയിക്കുന്ന വീഡിയോ ഹിലാരി സ്വന്തം ട്വിറ്റര്‍ അക്കൌണ്ടിലൂടെ പുറത്തുവിട്ടു.
അമേരിക്കന്‍ പ്രസിഡന്റ് തെരഞ്ഞെടുപ്പ് പ്രക്രിയ അവസാനഘട്ടത്തിലേക്ക് കടക്കുന്ന വേളയിലാണ് ഹിലാരിക്ക് പിന്തുണയുമായി അമേരിക്കന്‍ പ്രസിഡന്റ് ബരാക് ഒബാമ രംഗത്തെത്തിയത്. ഡെമോക്രാറ്റിക് സ്ഥാനാര്‍ഥിയായി ഹിലാരിയെത്തണമെന്ന് താന്‍ ആഗ്രഹിക്കുന്നതായി ഒബാമ പറഞ്ഞു
ഹിലാരിക്ക് വേണ്ടി പ്രചാരണത്തിനിറങ്ങാന്‍ താല്‍പര്യമുണ്ടെന്നും ഒബാമ വീഡിയോയില്‍ വ്യക്തമാക്കുന്നുണ്ട്
2008 ലെ തെരഞ്ഞെടുപ്പില്‍ ഹിലാരിയുടെ പ്രധാന എതിരാളിയായിരുന്നു ഒബാമ. ഒബാമ ആദ്യം പ്രസിഡന്റായപ്പോള്‍ സ്‌റ്റേറ്റ് സെക്രട്ടറി സ്ഥാനം വഹിച്ചത് ഹിലാരി ക്ലിന്റണായിരുന്നു.