ഐഎസ് നേതാവ് അദ്നാനി കൊല്ലപ്പെട്ടു
Update: 2018-05-11 17:42 GMT
സിറിയയിലെ അലപ്പോയില്‍ നടന്ന യുഎസ് വ്യോമാക്രമണത്തില്‍ അബു മുഹമ്മദ് അല്‍ അദ്നാനി കൊല്ലപ്പെട്ടതായി ഐഎസ് കേന്ദ്രങ്ങള്‍ തന്നെയാണ് വെളിപ്പെടുത്തിയത്.
ഐഎസ് നേതാവ് അബു മുഹമ്മദ് അല്‍ അദ്നാനി കൊല്ലപ്പെട്ടു. സിറിയയിലെ അലപ്പോയില്‍ നടന്ന യുഎസ് വ്യോമാക്രമണത്തില്‍ അബു മുഹമ്മദ് അല്‍ അദ്നാനി കൊല്ലപ്പെട്ടതായി ഐഎസ് കേന്ദ്രങ്ങള്‍ തന്നെയാണ് വെളിപ്പെടുത്തിയത്. അബൂബക്കര്‍ അല്‍ ബഗ്ദാദിയുടെ വിശ്വസ്തനായ അബു മുഹമ്മദ് അല്‍ അദ്നാനി ഐഎസിന്റ ജീവിച്ചിരിക്കുന്ന നേതാക്കളില്‍ പ്രമുഖനായിരുന്നു. 2011ലാണ് അദ്നാനി ഐഎസിന്റെ പ്രവര്‍ത്തനങ്ങള്‍ ഏകോപിപ്പിക്കാന്‍ സിറിയയിലെത്തിയത്.
യുഎസ് വ്യോമാക്രമണത്തില്‍ അലപ്പോക്കടുത്ത അല്ബാബ് പട്ടണത്തില്‍ വെച്ച് അദ്നാനി കൊല്ലപ്പെട്ടെന്ന വാര്‍ത്ത ഐഎസ് വാര്‍ത്ത ഏജന്‍സിയായ അമാഖാണ് പുറത്തുവിട്ടിരിക്കുന്നത്. അദ്നാനിയെ ലക്ഷ്യമിട്ട് തുടരെ ആക്രമണങ്ങള്‍ നടത്തിയതായും എന്നാല്‍ കൊല്ലപ്പെട്ടത് അദ്നാനിയാണെന്ന് സ്ഥിരീകരിച്ചിട്ടില്ലെന്നും അമേരിക്കന്‍ പ്രതിരോധ മന്ത്രാലയം അറിയിച്ചു. ഫ്രാന്‍സ് ബെല്‍ജിയം തുര്‍ക്കി തുടങ്ങിയ സ്ഥലങ്ങളിലെ ഭീകരാക്രമണത്തിന് പിന്നില്‍ അദ്നാനിയുടെ ശക്തമായ കരങ്ങളായിരുന്നു. അദ്നാനിയുടെ മരണം വേദനിപ്പിച്ചെന്നും പ്രത്യാഘാതം ഗുരുതരമായിരിക്കുമെന്നും ഐഎസ്സ് കേന്ദ്രങ്ങള്‍ അറിയിച്ചിട്ടുണ്ട്.