രാജവെമ്പാലയും പെരുമ്പാമ്പും തമ്മില്‍ പൊരിഞ്ഞ അടി; വീ‍ഡിയോ വൈറല്‍

ഇതിനോടകം 858,277 പേര്‍ വീ‍ഡിയോ കണ്ടുകഴിഞ്ഞു

കണ്ടാല്‍ കീരിയും പാമ്പും പോലെയായിരുന്നു ഈ രണ്ട് പാമ്പുകള്‍ തമ്മിലുളള കടിപിടി. പാമ്പുകളെന്നുവച്ചാല്‍ വെറും പാമ്പുകളല്ല, രാജവെമ്പാലയും പെരുമ്പാമ്പുമാണ്, അപ്പോള്‍ പിന്നെ അടിക്ക് വീര്യം കുറയുമോ..കണ്ട് നിന്ന ആരോ ഇതെടുത്ത് ഫേസ്ബുക്കിലുമിട്ടു, പോരേ പൂരം..വീഡിയോ അങ്ങ് കയറി ഹിറ്റാവുകയും ചെയ്തു.

സിംഗപ്പൂരാണ് ഈ പാമ്പ് പോരാട്ടത്തിന്റ വേദി. കൃത്യമായ സ്ഥലം സിംഗപ്പൂരുള്ള മക്റിച്ചി നേച്ചര് വനം. പെരുമ്പാമ്പിന് സമീപത്തൂടെ ഇഴഞ്ഞു പോവുകയായിരുന്ന രാജവെമ്പാലയാണ് ആദ്യം ആക്രമിച്ചത്. പിന്നെ കടിപിടിയായി. രാജവെമ്പാലയുടെ കടിയേറ്റ പെരുമ്പാമ്പ് ഒടുവില്‍ മരണത്തിന് കീഴടങ്ങുകയും ചെയ്തതായി ദൃക്സാക്ഷി പറഞ്ഞു.

മേയ് 30നാണ് ഈ വീഡിയോ ഫേസ്ബുക്കില് പോസ്റ്റ് ചെയ്യുന്നത്. ഇതിനോടകം 858,277 പേര് വീ‍ഡിയോ കണ്ടുകഴിഞ്ഞു. 4,7000ത്തിലധികം ഷെയറുകളും ലഭിച്ചുകഴിഞ്ഞു.