ഡോണൾഡ് ട്രംപിന്‍റെ പ്രസിഡന്‍റ് കാലം പുസ്തകമാക്കാൻ മരുമകൻ കുഷ്നർ
ട്രംപിന്‍റെ ഭരണകാലത്ത് മുതിർന്ന ഉപദേഷ്ടാവ് കൂടി ആയിരുന്നു ജാരെദ് കുഷ്നർ
Update: 2021-06-16 10:26 GMT
മുൻ യു.എസ് പ്രസിഡന്‍റ് ഡോണൾഡ് ട്രംപിന്‍റെ ഭരണകാലം പുസ്തകമാക്കുന്നു. സ്വന്തം മരുമകൻ ജാരെദ് കുഷ്നറാണ് പുസ്തകം രചിക്കുന്നത് എന്നാണ് റിപ്പോർട്ടുകൾ. ട്രംപിന്‍റെ ഭരണകാലത്ത് മുതിർന്ന ഉപദേഷ്ടാവ് കൂടി ആയിരുന്നു ജാരെദ് കുഷ്നർ. പുസ്തക രചനക്ക് ഹാർപിൻ കോളിൻസിന്‍റെ അനുബന്ധ പ്രസിദ്ധീകരണാലയമായ ബ്രോഡ്സൈഡ് ബുക്സുമായി കരാറിലെത്തിയെന്നും റിപ്പോർട്ടുകളുണ്ട്. കരാർ തുക ഇരുവരും വെളിപ്പെടുത്തിയിട്ടില്ല.
ഉപദേശകനെന്ന നിലക്ക് ട്രംപിന്‍റെ തീരുമാനങ്ങളിലേറെയും സ്വാധീനിച്ച വ്യക്തിയെന്ന നിലക്ക് ശ്രദ്ധേയനാണ് കുഷ്നർ. അബ്രഹാം അക്കോഡ്സ്, ക്രിമിനൽ ജസ്റ്റീസ് പരിഷ്കാരങ്ങൾ പോലുള്ള നടപടികൾക്ക് പിന്നിൽ അദ്ദേഹമായിരുന്നു. ട്രംപിന്‍റെ മകൾ ഇവാൻക ട്രംപിനെയാണ് 40 കാരനായ കുഷ്നർ വിവാഹം ചെയ്തത്.