വി എസ് അച്യുതാനന്ദന്‍ വാടകവീട്ടിലേക്ക് താമസം മാറി
Update: 2018-05-09 15:45 GMT
എകെജി സെന്ററിന് അടുത്തുള്ള തമ്പുരാന്‍ മുക്ക് ജംഗ്ഷനിലെ നമിതയാണ് ഇനി വിഎസിന്റെ വീട്. മകന്‍ അരുണ്‍കുമാറിന്റെ സുഹൃത്ത് സുരേഷിന്റെ വീടാണ് ഇത്.
വി എസ് അച്യുതാനന്ദന്‍ കന്റോണ്‍മെന്റ് ഹൌസ് ഒഴിഞ്ഞ് വാടകവീട്ടിലേക്ക് താമസം മാറി. എകെജി സെന്ററിന് അടുത്തുള്ള തമ്പുരാന്‍ മുക്ക് ജംഗ്ഷനിലെ നമിതയാണ് ഇനി വിഎസിന്റെ വീട്.
കുടുംബാംഗങ്ങളോടൊപ്പം രാവിലെ പതിനൊന്ന് മണിയോടെയാണ് വിഎസ് നമിതയിലെത്തിയത്. മകന്‍ അരുണ്‍കുമാറിന്റെ സുഹൃത്ത് സുരേഷിന്റെ വീടാണ് ഇത്. രണ്ട് നിലകളിലായി നാല് കിടപ്പ് മുറികളാണ് വീട്ടില്‍. സുരക്ഷ ഉറപ്പാക്കാനായി സിസി ടിവി ക്യാമറകളും സജ്ജീകരിച്ചിട്ടുണ്ട്. തന്റെ ഔദ്യോഗിക പദവി സംബന്ധിച്ച അറിയിപ്പൊന്നും ലഭിച്ചിട്ടില്ലെന്ന് പുതിയ വീട്ടിലെത്തിയ മാധ്യമപ്രവര്‍ത്തകരോട് വി എസ് പറഞ്ഞു
ഔദ്യോഗിക സ്ഥാനങ്ങള്‍ ലഭിക്കാത്തതിനാല്‍ വീടിന്റെ വാടക വിഎസ് തന്നെ നല്‍കും. പതിന‍ഞ്ച് വര്‍ഷമായി ക്ലിഫ് ഹൌസിലും കന്റോണ്‍മെന്റ് ഹൌസിലുമായി മാറിമാറിയായിരുന്നു വിഎസിന്റെ താമസം. പ്രതിപക്ഷനേതാവ് രമേശ് ചെന്നിത്തലയാണ് ഇനി കന്റോണ്‍മെന്റ് ഹൌസിലെ വീട്ടുകാരന്‍.