ആവശ്യങ്ങൾ അംഗീകരിച്ചു; കോഴിക്കോട് എൻഐടിയിലെ തൊഴിലാളി സമരം വിജയം‌

കോഴിക്കോട്: എൻഐടിയിൽ ഡ്രൈവർ, സാനിറ്റേഷൻ, സെക്യൂരിറ്റി തൊഴിലാളികൾ അ‍ഞ്ച് ദിവസമായി നടത്തിവന്നിരുന്ന സമരം അവസാനിപ്പിച്ചു. ആവശ്യങ്ങൾ എൻഐടി അംഗീകരിച്ചതിന്ന് പിന്നാലെയാണ് സമരം അവസാനിപ്പിച്ചത്. നിലവിലെ തൊഴിലാളികൾക്ക് ജോലിയിൽ തുടരാമെന്ന് എൻഐടി അറിയിച്ചു.

നിലവിൽ ജോലി ചെയ്യുന്ന തൊഴിലാളികളുടെ പ്രായപരിധി, വിദ്യാഭ്യാസ യോ​ഗ്യത പുനർനിർണയിക്കുക തുടങ്ങിയ പരിഷ്കരണങ്ങൾ എൻഐടി അധികൃതർ നടത്തിയിരുന്നു. ഇതിൽ പ്രതിഷേധിച്ചായിരുന്നു തൊഴിലാളികളുടെ പ്രതിഷേധം. തൊഴിലാളികളുടെ എല്ലാ ആവശ്യങ്ങളും എൻഐടി അം​ഗീകരിച്ചു.