ചുട്ട് പൊള്ളി സംസ്ഥാനം; പാലക്കാട്‌ 41 ഡി​ഗ്രി വരെയും കൊല്ലത്ത് 40 ഡി​ഗ്രി വരെയും താപനില ഉയരും

തിരുവനന്തപുരം: സംസ്ഥാനത്ത് ചൂട് അതികഠിനമാകുന്നു. പാലക്കാട്‌ താപനില 41 °C വരെയും കൊല്ലത്ത് 40° C വരെയും ഉയരുമെന്നാണ് മുന്നറിയിപ്പ്. സംസ്ഥാനത്ത് 12 ജില്ലകളിൽ യെല്ലോ അലർട്ട് പ്രഖ്യാപിച്ചു.  വയനാട്, ഇടുക്കി ഒഴികെയുള്ള ജില്ലകളിലാണ് യെല്ലോ അലർട്ട്.

തൃശൂർ ജില്ലയിൽ ഉയർന്ന താപനില 39°C വരെയും കണ്ണൂർ, കോഴിക്കോട്, പത്തനംതിട്ട, കോട്ടയം ജില്ലകളിൽ 38°C വരെയും എറണാകുളം, ആലപ്പുഴ ജില്ലകളിൽ ഉയർന്ന താപനില 37°C വരെയും തിരുവനന്തപുരം, മലപ്പുറം, കാസര്‍കോട് ജില്ലകളിൽ ഉയർന്ന താപനില 36°C വരെയും താപനില ഉയരും. സാധാരണയെക്കാൾ 2 - 4 °C കൂടുതൽ താപനിലയാണിത്.