ഓപ്പറേഷൻ അജയ്; രണ്ടാം വിമാനം നാളെ രാവിലെയെത്തും

ഡൽഹി: 'ഓപ്പറേഷൻ അജയ്'യുടെ ഭാഗമായി ഇസ്രായേലിൽ നിന്ന് ഇന്ത്യക്കാരുമായുള്ള രണ്ടാം വിമാനം നാളെ രാവിലെ 5.30 ന് ഡൽഹി ഇന്ദിര ഗാന്ധി അന്താരാഷ്ട്ര വിമാനത്താവളത്തിലെത്തും. കേരളത്തിലെത്തുന്നതിന് താൽപ്പര്യമറിയിച്ച് കേരള ഹൗസ് വെബ്സൈറ്റിൽ 20 പേർ രജിസ്റ്റർ ചെയ്തിട്ടുണ്ട്. 16 മലയാളികൾ ഫ്ളൈറ്റിൽ എത്തുന്നതായാണ് വിവരം.

ഇസ്രായേലിൽ നിന്ന് ഇന്ന് ഡൽഹിയിലെത്തിയത് 212 ഇന്ത്യക്കാരാണ്. തെൽഅവീലിൽ നിന്ന് ഇന്നലെ 11.30ഓടെ പുറപ്പെട്ട എയർ ഇന്ത്യ എ.ഐ140 എന്ന വിമാനം പുലർച്ചെ 5.56ഓടെയാണ് ഇന്ദിര ഗാന്ധി അന്താരാഷ്ട്ര വിമാനത്താവളത്തിലെത്തിയത്. ഇസ്രായേൽ- ഫലസ്തീൻ യുദ്ധത്തിന്റെ പശ്ചാത്തലത്തിലും മുഴുവൻ ഇന്ത്യക്കാരും ഇസ്രായേൽ വിട്ടു പോരാൻ തയ്യാറായിട്ടില്ല. യുദ്ധം രൂക്ഷമായ സ്ഥലങ്ങളിലുള്ളവരാണ് ഇപ്പോൾ മടങ്ങുന്നത്.