നാളത്തെ എം.ജി, കേരള, കാലിക്കറ്റ് സർവകലാശാലാ പരീക്ഷകൾ മാറ്റിവച്ചു

തിരുവനന്തപുരം: നാളെ നടത്താനിരുന്ന കാലിക്കറ്റ്,എംജി കേരളാ സർവകലാശാലകളിലെ എല്ലാ പരീക്ഷകളും മാറ്റിവെച്ചതായി പരീക്ഷാ കൺട്രോളർ അറിയിച്ചു. പുതുക്കിയ തിയതി പിന്നീട് അറിയിക്കും.

അതിതീവ്ര മഴയുടെ പശ്ചാത്തലത്തിൽ നിലവിൽ സംസ്ഥാനത്ത് പതിനൊന്ന് ജില്ലകളിലെ വിദ്യാഭ്യാസ സ്ഥാപനങ്ങൾക്ക് നാളെ അവധി പ്രഖ്യപിച്ചിട്ടുണ്ട്. കോഴിക്കോട്, ആലപ്പുഴ, തൃശൂർ, എറണാകുളം, കോട്ടയം, മലപ്പുറം, ഇടുക്കി,പത്തനംതിട്ട,പാലക്കാട്,വയനാട്,കണ്ണൂർ ജില്ലകളിലാണ് അവധി പ്രഖ്യാപിച്ചത്. പ്രൊഫഷണൽ കോളേജ് ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും അവധിയായിരിക്കുമെന്ന് ജില്ലാ കലക്ടർമാർ അറിയിച്ചു.