അഞ്ച് അസോസിയേറ്റ് ബാങ്കുകള്‍ എസ്ബിഐയില്‍ ലയിപ്പിക്കുന്നു: 20ന് ജീവനക്കാരുടെ രാജ്യവ്യാപക പണിമുടക്ക്
Update: 2018-05-28 11:12 GMT
അസോസിയേറ്റ് ബാങ്കുകളെ എസ്ബിഐയില്‍ ലയിപ്പിക്കുന്നതില്‍ പ്രതിഷേധിച്ചാണ് പണിമുടക്ക്.
എസ് ബി ഐ അസോസിയേറ്റ് ബാങ്കുകളിലെ ജീവനക്കാര്‍ ഈ മാസം 20ന് രാജ്യവ്യാപകമായി പണിമുടക്കും. അസോസിയേറ്റ് ബാങ്കുകളെ എസ്ബിഐയില്‍ ലയിപ്പിക്കുന്നതില്‍ പ്രതിഷേധിച്ചാണ് പണിമുടക്ക്.
സ്റ്റേറ്റ് ബാങ്ക് ഓഫ് ട്രാവന്‍കൂര്‍, സ്റ്റേറ്റ് ബാങ്ക് ഓഫ് മൈസൂര്‍, സ്റ്റേറ്റ് ബാങ്ക് ഓഫ് ഹൈദരാബാദ്, സ്റ്റേറ്റ് ബാങ്ക് ഓഫ് ബിക്കാനെര്‍ ആന്റ് ജയ്പൂര്‍, സ്റ്റേറ്റ് ബാങ്ക് ഓഫ് പാട്യാല തുടങ്ങി അഞ്ച് അസോസിയേറ്റ് ബാങ്കുകള്‍ എസ്ബിഐയില്‍ ലയിപ്പിക്കുവാനാണ് തീരുമാനമായിരിക്കുന്നത്. അസോസിയേറ്റ് ബാങ്കുകളുടെ ചൊവ്വാഴ്ച നടന്ന ഡയറക്ടര്‍ ബോര്‍ഡ് യോഗത്തിലെ അജണ്ട തന്നെ ബാങ്കുകളുടെ ലയനമായിരുന്നുവെന്ന് ഓള്‍ ഇന്ത്യ ബാങ്ക് എംപ്ലോയീസ് അസോസിയേഷന്‍ ആരോപിച്ചു.