2.85 ലക്ഷം വാടക കുടിശ്ശിക നല്‍കാനുണ്ടെന്ന് ഭൂവുടമ; കുടിയേറ്റ തൊഴിലാളികള്‍ക്ക് ക്രൂരമര്‍ദ്ദനം
ഒഡിഷ സ്വദേശികളായ സഞ്ജയ്, പ്രകാശ്, പ്രകാശ് പാല്‍, നിര്‍മല്‍ പ്രഭ, പ്രദീപ് ജന എന്നിവര്‍ക്കാണ് മര്‍ദ്ദനമേറ്റത്
Update: 2021-05-20 08:58 GMT
കൂട്ടത്തിലുള്ളവര്‍ വാടക കുടിശ്ശിക നല്‍കാതെ പോയെന്ന് ആരോപിച്ച് കുടിയേറ്റ തൊഴിലാളികളെ ഭൂവുടമകളെ ക്രൂരമായി മര്‍ദ്ദിച്ചു. ചെന്നൈയിലെ കുണ്ട്രത്തൂരിലാണ് സംഭവം. ഒഡിഷ സ്വദേശികളായ സഞ്ജയ്, പ്രകാശ്, പ്രകാശ് പാല്‍, നിര്‍മല്‍ പ്രഭ, പ്രദീപ് ജന എന്നിവര്‍ക്കാണ് മര്‍ദ്ദനമേറ്റത്.
മേയ് 16നാണ് സംഭവം നടന്നത്.ലോക്ഡൌണിനെ തുടര്‍ന്ന് നാട്ടിലേക്ക് പോയവര്‍ വാടക കുടിശ്ശിക നല്‍കിയില്ലെന്നും 2.85 ലക്ഷം രൂപ വാടക നല്‍കാനുണ്ടെന്നും മറ്റുള്ള തൊഴിലാളികളോട് സുരേഷ് പറഞ്ഞു. ഇതുകേട്ട് ഞെട്ടിപ്പോയ തൊഴിലാളികള്‍ അവർ പ്രതികരിക്കുന്നതിന് മുമ്പ്, സുരേഷ് രാജ് ഒരു പ്ലാസ്റ്റിക് പൈപ്പ് എടുത്ത് കുടിയേറ്റ തൊഴിലാളികളെ തല്ലാൻ തുടങ്ങി. പണം നൽകാതെ തൊഴിലാളികൾക്ക് പോകാൻ കഴിയില്ലെന്നും അദ്ദേഹം ഭീഷണിപ്പെടുത്തി. സുരേഷ് രാജ് അവരുടെ സെൽഫോണുകളും തട്ടിയെടുത്തു. എന്നാൽ, കുടിയേറ്റ തൊഴിലാളികളെ മർദ്ദിക്കുന്നതിന്‍റെ വീഡിയോ വൈറലാവുകയും പിന്നീട് പൊലീസില്‍ പരാതി ലഭിക്കുകയുമായിരുന്നു. സുരേഷ് രാജിനെ പൊലീസ് അറസ്റ്റ് ചെയ്ത് അന്വേഷണം ആരംഭിച്ചിട്ടുണ്ട്.