വിജയ വേട്ടയില്‍ 4000 പിന്നിട്ട് കൊഹ്‍ലി
Update: 2018-05-15 11:11 GMT
വിജയകരമായ റണ്‍ വേട്ടയില്‍ 5490 റണ്‍സാണ് സച്ചിന്‍റെ ആകെ സംഭാവന. പോണ്ടിംഗിന്‍റേതാകട്ടെ 4186 റണ്‍സും. കരിയറിന്‍റെ മധ്യഘട്ടത്തിലായ കൊഹ്‍ലിക്ക് മുന്നില്‍ ഈ
ശ്രീലങ്കക്കെതിരായ ഏകദിന പരമ്പരയിലെ പ്രഥമ മത്സരത്തിലെ അനായാസ ജയത്തിനിടെ നേട്ടത്തിന്‍റെ മറ്റൊരു പടി കൂടി പിന്നിട്ട് ഇന്ത്യന്‍ നായകന്‍ വിരാട് കൊഹ്‍ലി. ഇന്ത്യ രണ്ടാമത് ബാറ്റ് ചെയ്ത് വിജയികളായ അവസരങ്ങളില്‍ തന്‍റേതായ സംഭാവന 4000 റണ്‍ കടത്തിയാണ് കൊഹ്‍ലി ശ്രദ്ധേയനായത്. 82 റണ്‍സുമായി കൊഹ്‍ലി അജയ്യനായി നിലകൊണ്ടു. ക്രിക്കറ്റ് ചരിത്രത്തില്‍ സച്ചിന്‍ ടെണ്ടുല്‍ക്കറും റിക്കി പോണ്ടിംഗും മാത്രമാണ് ഇക്കാര്യത്തില്‍ കൊഹ്‍ലിക്ക് മുന്നിലുള്ളത്. വിജയകരമായ റണ്‍ വേട്ടയില്‍ 5490 റണ്‍സാണ് സച്ചിന്‍റെ ആകെ സംഭാവന. പോണ്ടിംഗിന്‍റേതാകട്ടെ 4186 റണ്‍സും. കരിയറിന്‍റെ മധ്യഘട്ടത്തിലായ കൊഹ്‍ലിക്ക് മുന്നില്‍ ഈ രണ്ട് റെക്കോഡുകളും അടര്‍ന്ന് വീഴാനാണ് സാധ്യത. 100.2 ശരാശരിയാണ് കൊഹ്‍ലിക്കുള്ളത്.