ഡാനിഷ്​ വെല്ലുവിളി അതിജീവിച്ച്​ ജർമനി ക്വാർട്ടറിൽ

ഡോർട്ട്​മുണ്ട്​:ആതിഥേയരായ ജർമനി യൂറോയിൽ വിജയക്കുതിപ്പ്​ തുടരുന്നു. പ്രീക്വാർട്ടറിൽ ഡെന്മാർക്ക്​ ഉയത്തിയ വെല്ലുവിളിയെ എതിരില്ലാത്ത രണ്ടു ഗോളുകൾക്ക്​ മറികടന്നാണ്​ ജർമൻപട മുന്നേറിയത്​.

ആദ്യമിനിറ്റുകളിൽ തന്നെ ഡാനിഷ്​ ഗോൾമുഖത്തേക്ക്​ ആക്രമിച്ചു കളിക്കുന്ന ജർമനിയെയാണ്​ കണ്ടത്​. മൂന്നാം മിനുറ്റിൽ തന്നെ കോർണറിലൂടെ കിമ്മിച്ച്​ ജർമനിക്കായി ഗോൾ നേടിയെങ്കിലും വാർ പരിശോധനയിൽ നിഷേധിച്ചു. തുടർന്നും ആക്രമണങ്ങൾ നടത്തിയ ജർമനിയെ ഗോൾ കീപ്പർ ഷിമൈക്കലി​െൻറ ഉഗ്രൻ സേവുകളിലാണ്​ ഡാനിഷുകാർ ചെറുത്തുനിന്നത്​. ആദ്യപകുതിയിലുടനീളം ജർമൻ മുന്നേറ്റങ്ങൾ നിരവധി തവണ കണ്ടു. ആദ്യപകുതിയുടെ അവസാനത്തിൽ ഡെന്മാർക്കിന്​ സുവർണാവസരം ലഭിച്ചെങ്കിലും മാനുവൽ ന്യൂയർ നിർവീര്യമാക്കി.

രണ്ടാംപകുതിയുടെ തുടക്കത്തിൽ തന്നെ തോമസ്​ ഡെലാനി ഡെന്മാർക്കിനായി ഗോൾ നേടിയെങ്കിലും വാർ പരിശോധനയിൽ ഓഫ്​ സൈഡെന്ന്​ തെളിയുകയായിരുന്നു.50ാം മിനുറ്റിൽ ഡാനിഷ്​ താരം ആൻഡേഴ്​സണി​െൻറ കൈകളുടെ നേരിയ സ്​പർശനത്തിൽ ജർമനിക്ക് അനുകൂലമായി​ പെനൽറ്റി വീണുകിട്ടി. കിക്കെടുക്കാനെത്തിയ കൈൽ ഹാവർട്​സിന്​ പിഴച്ചില്ല. ജർമനി 1-0ത്തിന്​ മുന്നിൽ. തൊട്ടുപിന്നാലെ അതിമനോഹരമായിി ഹാവർട്​സ്​ മുന്നേറിയതോടെ വീണ്ടുമൊരു സുവർണാവസരം മുന്നിൽ. പക്ഷേ

ഗോൾകീപ്പർക്​ക്​ മുന്നിൽ ഫിനിഷ്​ ചെയ്യാനായില്ല. 68ാം മിനുറ്റിൽ പന്തുമായി ഓടിക്കറയിയ ജമാൽ മുസിയാല ജർമനിക്കായി രണ്ടാം ഗോളും കുറിച്ചതോടെ ഡെന്മാർക്കി​െൻറ വിധി തീരുമാനമായിരുന്നു. 2017ന്​ ശേഷം ഇതാദ്യമായാണ്​ ജർമനി ഏതെങ്കിലുമൊരു ടൂർണമെൻറിൽ​ നോക്കൗട്ട്​ മത്സരംവിജയിക്കുന്നത്​.