ഗസ്സയിൽ കൊല്ലപ്പെട്ട ബന്ദികളുടെ ബന്ധുക്കളോട് മാപ്പപേക്ഷിച്ച് നെതന്യാഹു

തെല്‍ അവിവ്: ഗസ്സയിൽ കൊല്ലപ്പെട്ട ബന്ദികളുടെ ബന്ധുക്കളോട് മാപ്പപേക്ഷിച്ച് ഇസ്രായേൽ പ്രധാനമന്ത്രി ബെഞ്ചമിന്‍ നെതന്യാഹു. ഹമാസ്​ പിടിയിലുള്ള ആറ്​ ബന്ദികളെ ജീവനോടെ തിരികെ കൊണ്ടുവരാൻ കഴിയാത്തതിൽ ബന്​ധുക്കളോടും രാജ്യത്തോടും മാപ്പ്​ ചോദിക്കുന്നു. ബന്ദികളുടെ കൊലക്ക്​ ഹമാസിന്​ വലിയ വില നൽകേണ്ടിവരുമെന്നും ജറൂസലമിൽ നടത്തിയ വാർത്താ സമ്മേളനത്തിൽ നെതന്യാഹു പറഞ്ഞു.

ഹമാസും ഇറാനുമായി യാതൊരു ഒത്തുതീർപ്പിനും ഇല്ല. ഫിലാഡൽഫി ഇടനാഴിയിൽ നിന്ന്​ പിൻമാറണമെന്ന ഹമാസിന്‍റെ ആവശ്യം അംഗീകരിക്കില്ലെന്നും നെതന്യാഹു ആവർത്തിച്ചു. അതേ സമയം ബന്ദികളുടെ കൊലയെ തുടർന്ന്​ ഇസ്രായേലിൽ ഉടനീളം രൂപപ്പെട്ട പ്രതിഷേധവും പണിമുടക്കും നെതന്യാഹു സർക്കാറിനെ സമ്മർദത്തിലാക്കി. ബ​ന്ദി മോ​ച​ന​മാ​വ​ശ്യ​പ്പെ​ട്ട് തൊ​ഴി​ലാ​ളി സം​ഘ​ട​ന ആ​ഹ്വാ​നം ചെ​യ്ത പൊ​തു​പ​ണി​മു​ട​ക്കി​ലും വ​ൻ​പ്ര​തി​ഷേ​ധ​ങ്ങ​ളി​ലും ഇ​സ്രാ​യേ​ൽ തീർത്തും സ്തം​ഭി​ച്ചു. ജ​റുസ​ലെമി​ൽ പ്ര​ധാ​ന​മ​ന്ത്രി​യു​ടെ വീ​ടി​നു മു​ന്നി​ലും തെ​ൽ അ​വീ​വി​ൽ സൈ​നി​ക ആ​സ്ഥാ​ന​ത്തും ലികുഡ്​ പാർട്ടി ആസ്ഥാനത്തും ആയിരങ്ങൾ പ്രതിഷേധിച്ചു.

ഗസ്സയിൽ വെടിനിർത്തൽ കരാറിനുള്ള നീക്കം ഖത്തറും ഈജിപ്തുമായി ചേർന്ന്​ തുടരുമെന്ന്​ യു.എസ്​ പ്രസിഡന്‍റ്​ ജോ ബൈഡൻ പറഞ്ഞു. അതേസമയം ഇസ്രായേലിനുള്ള ആയുധ കയറ്റുമതിയിൽ ഭാഗികവിലക്ക്​ ഏർപ്പെടുത്താനുള്ള ബ്രിട്ടന്‍റെ തീരുമാനം ഞെട്ടിച്ചതായി പ്രതിരോധ മന്ത്രി യോവ്​ ഗാലന്‍റ്​ പറഞു. ഇസ്രായേലിനുള്ള മുപ്പതോളം ആയുധ കയറ്റുമതി ലൈസൻസുകളാണ്​ ബ്രിട്ടൻ തടഞ്ഞത്​. സിവിലിയൻ സമൂഹത്തിനെതിരെ ആയുധം ഉപയോഗിക്കുന്നതായ കണ്ടെത്തലിനെ തുടർന്നാണ്​ ബ്രിട്ടന്‍റെ നടപടി. ചെങ്കടലിൽ രണ്ട്​ കപ്പലുകൾക്ക്​ നേരെ ഹൂത്തികളുടെ ആക്രമണം നടന്നു.