യെമനിലെ ആഭ്യന്തര യുദ്ധത്തില്‍ ഇതുവരെ 11,000 കുട്ടികൾ കൊല്ലപ്പെടുകയോ അംഗവൈകല്യം സംഭവിക്കുകയോ ചെയ്തതായി യു.എന്‍
യഥാര്‍ഥ കണക്ക് ഇതിലും വലുതായിരിക്കുമെന്നും യുനിസെഫ് പറഞ്ഞു
Update: 2022-12-12 05:21 GMT
സന: യെമനിലെ ആഭ്യന്തര യുദ്ധത്തില്‍ കഴിഞ്ഞ 8 വര്‍ഷത്തിനിടെ 1,000-ത്തിലധികം കുട്ടികൾ കൊല്ലപ്പെടുകയോ അംഗവൈകല്യം സംഭവിക്കുകയോ ചെയ്തിട്ടുണ്ടെന്ന് ഐക്യരാഷ്ട്രസഭ തിങ്കളാഴ്ച അറിയിച്ചു.യഥാര്‍ഥ കണക്ക് ഇതിലും വലുതായിരിക്കുമെന്നും യുനിസെഫ് പറഞ്ഞു.
"ആയിരക്കണക്കിന് കുട്ടികൾക്ക് ജീവൻ നഷ്ടപ്പെട്ടു, ലക്ഷക്കണക്കിന് ആളുകൾ രോഗമോ പട്ടിണിയോ മൂലം മരിക്കാന്‍ സാധ്യതയുണ്ട്," യുനിസെഫ് എക്സിക്യൂട്ടീവ് ഡയറക്ടർ കാതറിൻ റസ്സൽ പറഞ്ഞു.ഏകദേശം 2.2 ദശലക്ഷം യെമനി കുട്ടികൾ പോഷകാഹാരക്കുറവുള്ളവരാണ്, അവരിൽ നാലിലൊന്ന് പേർ അഞ്ചിൽ താഴെ പ്രായമുള്ളവരാണ്. മിക്കവരും കോളറ, അഞ്ചാംപനി, മറ്റ് രോഗങ്ങൾ എന്നിവയിൽ നിന്നുള്ള അപകടസാധ്യതയിലാണ്'' യുനിസെഫ് വ്യക്തമാക്കി.
യുദ്ധം മൂലമോ പരോക്ഷമായോ സുരക്ഷിതമല്ലാത്ത കുടിവെള്ളം, രോഗബാധ, പട്ടിണി, മറ്റ് ആഘാതങ്ങൾ എന്നിവ കാരണം ലക്ഷക്കണക്കിന് ആളുകൾ മരിച്ചു.ഏജൻസിയുടെ ഏറ്റവും പുതിയ കണക്കുകൾ 2015 മാർച്ചിനും 2022 സെപ്തംബറിനുമിടയിൽ 3,774 കുട്ടികളുടെ മരണങ്ങൾ സ്ഥിരീകരിച്ചിട്ടുണ്ട്.
2011 മുതലാണ് അബ്‌ദുല്ല സാലിഹ് സര്‍ക്കാരിനെതിരെ യെമനിലെ ജനങ്ങള്‍ തെരുവിലിറങ്ങിയത്. രാജ്യം നേരിടുന്ന കൊടും ദാരിദ്ര്യവും തൊഴിലില്ലായ്മയും ഭരണത്തിലെ അഴിമതിയും ജനങ്ങളെ ഭരണകൂടത്തിന് എതിരാക്കി. 2014ല്‍ സാലിഹിന്‍റെ സഹായത്തോടെ രാജ്യത്തെ വിമതരായ ഹൂതികള്‍ സന നഗരം കീഴടക്കി തുടര്‍ന്ന് രാജ്യം മുഴുവന്‍ ഹൂതികളുടെ നിയന്ത്രണത്തിലായെന്ന് സ്വയം പ്രഖ്യാപിച്ചു. ഇതു പുതിയൊരു യുദ്ധത്തിന് മരുന്നിട്ടു. സൗദി സഖ്യസേനയും യെമന്‍ സൈന്യവും ഹൂതികള്‍ക്കെതിരെ യുദ്ധം. ഇപ്പോഴും തുടരുന്ന യുദ്ധമാണ് യെമനെ ലോകത്തിലെ ഏറ്റവും ദരിദ്ര രാജ്യങ്ങളുടെ പട്ടികയിലേക്ക് തള്ളിവിട്ടത്.