ഈ സുന്ദരിയെ കണ്ടിട്ടുണ്ടോ..മലയാളത്തിലെ ഒരു നടനാണിത്
Update: 2018-05-26 20:50 GMT
ചിത്രത്തിന്റെ ഷൂട്ടിങ് പുരോഗമിക്കുകയാണ്
റിയാസ് ഖാന്‍ എന്ന പേര് കേള്‍ക്കുമ്പോള്‍ തന്നെ ക്ലീന്‍ ഷേവ് ചെയ്ത മുഖവും മസിലും പെരുപ്പിച്ച് വരുന്ന വില്ലനെയാണ് ഓര്‍മ്മ വരിക. പോട്ടെടാ ബാലേട്ടാ എന്ന് പറഞ്ഞ് ലാലേട്ടനോട് തല്ലു കൂടിയ ബാലേട്ടനിലെ അതേ റിയാസ് ഖാന്‍. മിക്ക ചിത്രങ്ങളിലും നായകന്റെ തല്ലു കൊള്ളുന്ന വില്ലനാകാനായിരുന്നു റിയാസിന്റെ വിധി. എന്നാല്‍ ഈയിടെ താരത്തിന്റെ മേക്കോവര്‍ കണ്ട ആരാധകര്‍ ഞെട്ടി. ഈയിടെ റിയാസിന്റെ ഫേസ്ബുക്കിലൂടെ ഷെയര്‍ ചെയ്തിരിക്കുന്ന ഫോട്ടോ കണ്ടാല്‍ ആരും പറയും അമ്പടീ കള്ളാ എന്ന്.
പച്ച സാരിയുടുത്ത് സ്വര്‍ണ്ണ തലമുടിയും ചുണ്ടില്‍ ലിപ്സ്റ്റികും അണിഞ്ഞ് അടിമുടി സുന്ദരിയായിട്ടാണ് റിയാസ് ഖാന്‍ മേക്കോവര്‍ നടത്തിയിരിക്കുന്നത്. ‘വിളയാട്ട് ആരംഭം’ എന്ന തമിഴ് ചിത്രത്തിനുവേണ്ടിയാണ് റിയാസ് ഖാന്റെ കിടിലന്‍ മേക്കോവര്‍. ചിത്രത്തിന്റെ ഷൂട്ടിങ് പുരോഗമിക്കുകയാണ്. സൂര്യന്‍, വിജയ് ആര്‍.ആനന്ദ് എന്നിവര്‍ ചേര്‍ന്ന് സംവിധാനം ചെയ്യുന്ന ചിത്രത്തില്‍ റിയാസ് ഖാനോടൊപ്പം യുവാന്‍ ഫിറോസ് ഖാന്‍, ശ്രവ്യ എന്നിവര്‍ അഭിനയിക്കുന്നുണ്ട്. പൊലീസ് ഓഫീസറായിട്ടാണ് റിയാസ് എത്തുന്നത്.