വിവേഗത്തിന്റെ ഷൂട്ടിംഗിനിടെ അജിത്തിന് പരിക്ക്
Update: 2018-05-28 02:00 GMT
സിനിമയിലെ ഒരു സംഘട്ടന രംഗം ചിത്രീകരിക്കുന്നതിനിടെയാണ് സംഭവം
ഷൂട്ടിംഗിനിടെ തമിഴ് സൂപ്പര്‍താരം അജിത്തിന്പരിക്കേറ്റു. വിവേഗം എന്ന ചിത്രത്തിന്റെ ഷൂട്ടിംഗിനിടെയാണ് തലയ്ക്ക് പരിക്കേറ്റത്. സിനിമയിലെ ഒരു സംഘട്ടന രംഗം ചിത്രീകരിക്കുന്നതിനിടെയാണ് സംഭവം. സ്റ്റണ്ടിനായി ഡ്യൂപ്പിനെ ഉപയോഗിക്കാമായിരുന്നെങ്കിലും അജിത്ത് ഇത് നിരസിക്കുകയായിരുന്നു. താരത്തിന്റെ തോളിനാണ് പരിക്കേറ്റത്. പ്രാഥമിക ചികിത്സ നല്‍കിയ ശേഷം കുറച്ച് സമയം വിശ്രമം നിര്‍ദ്ദേശിച്ചു. തിനക്ക് പരിക്കേറ്റ വിവരം പുറത്ത് വിടരുതെന്ന് അജിത് നിര്‍ദ്ദേശിച്ചിരുന്നെങ്കിലും യൂണിറ്റില്‍ നിന്നു തന്നെ വാര്‍ത്ത പുറത്തായി. ഇതിന് മുന്‍പും അജിത്തിന് ഷൂട്ടിംഗിനിടെ പരിക്കേറ്റിട്ടുണ്ട്. നേരത്തെ വേതാളത്തിന്റെ സെറ്റില്‍ വച്ചായിരുന്നു താരത്തിന് പരിക്കേറ്റത്.
ശിവയാണ് വിവേഗത്തിന്റെ സംവിധാനം. യൂറോപ്പിലാണ് ഇപ്പോള്‍ ചിത്രത്തിന്റെ ഷൂട്ടിംഗ് നടക്കുന്നത്. അതിന് ശേഷം ടീം ചെന്നെയില്‍ ഷൂട്ടിംഗ് തുടങ്ങും. കാജല്‍ അഗര്‍വാള്‍, അക്ഷര ഹാസന്‍ എന്നിവരാണ് വിവേഗത്തിലെ നായികമാര്‍. ബോളിവുഡ് താരങ്ങളായ വിവേക് ഒബ്റോയിയും ആരവ് ചൌധരിയും ചിത്രത്തില്‍ അഭിനയിക്കുന്നുണ്ട്. സംഗീതം അനിരുദ്ധ്. സത്യജ്യോതി ഫിലിംസിന്റെ ബാനറില്‍ സെന്തില്‍ ത്യാഗരാജന്‍, അരുണ്‍ ത്യാഗരാജന്‍ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. ആഗസ്ത് 10ന് വിവേഗം തിയറ്റുകളിലെത്തും.