മെഗാ ഡ്രീം ഡ്രൈവ്: വിജയികള്‍ സമ്മാനങ്ങള്‍ വിതരണം ചെയ്തു
നാല് മലയാളികള്‍ ഉള്‍പ്പെടെ പതിനൊന്ന് പേര്‍ക്ക് മെഗാ സമ്മാനമായ റേഞ്ച് റോവര്‍ കാറുകള്‍ സമ്മാനിച്ചു.
ലുലു ഹൈപ്പര്‍മാര്‍ക്കറ്റ് സൌദിയില്‍ ഏര്‍പ്പെടുത്തിയ മെഗാ ഡ്രീം ഡ്രൈവ് പ്രൊമോഷന്‍റെ ഭാഗമായി നടന്ന നെറുക്കെടുപ്പില്‍ വിജയികളായവര്‍ക്കുള്ള സമ്മാനങ്ങള്‍ വിതരണം ചെയ്തു. നാല് മലയാളികള്‍ ഉള്‍പ്പെടെ പതിനൊന്ന് പേര്‍ക്ക് മെഗാ സമ്മാനമായ റേഞ്ച് റോവര്‍ കാറുകള്‍ സമ്മാനിച്ചു.
ലുലു ഗ്രൂപ്പിന്‍റെ സൌദിയിലെ ഏഴ് ഹൈപ്പര്‍മാര്‍ക്കറ്റുകളിലും അരാംകൊയിലെ സ്റ്റോറുകളിലുമായിരുന്നു നറുക്കെടുപ്പ് സംഘടിപ്പിച്ചത്. റിയാദ് ,ജിദ്ദ , ദമാം എന്നിവിടങ്ങളിലായിരുന്നു സമ്മാനദാന ചടങ്ങ് നടന്നത്. ദമാം , ജുബൈല്‍ ശാഖകളില്‍ പാകിസ്ഥാന്‍ സ്വദേശികളാണ് ഒന്നാ സമ്മാനം നേടിയത്. അല്‍ഖോബാറില്‍ രണ്ടു മലയാളികള്‍ മെഗാ സമ്മാനത്തിന് അര്‍ഹരായി. സ്കൂള്‍ വിദ്യാര്‍ഥിയായ നാജി സലാമും സ്വകാര്യ കന്പനിയില്‍ ജോലി ചെയ്യുന്ന ജംഷീര്‍ ബാബുവും കാറുകള്‍ ഏറ്റുവാങ്ങി.
ഹൌസ് ഡ്രൈവറായി ജോലിചെയ്യുന്ന മണ്ണാര്‍ക്കാട് സ്വദേശി സുബൈര്‍ ഉള്‍പ്പടെ നാല് പേര്‍ക്ക് റിയാദ് മുറബ്ബ ശാഖയില്‍ നടന്ന ചടങ്ങില്‍ കാറുകള്‍ സമ്മാനിച്ചു. ഫിലിപ്പൈന്‍സ് സ്വദേശികളാണ് സമ്മാനാര്‍ഹരായ മറ്റു മൂന്ന് പേരും. ജിദ്ദ ശാഖയില്‍ സ്വദേശിയായ വാസന്‍ അഹമ്മദും മലയാളിയായ ബിന്നി മോളും മെഗാ സമ്മാനം ഏറ്റുവാങ്ങി. ഇരുനൂറ്റി പത്ത് പേര്‍ക്ക് ഗിഫ്റ്റ് വൌച്ചറുകളും സമ്മാനിച്ചു. ലുലു റീജിയണല്‍ ഡയറക്ടര്‍മാരായ ഷഹീം മുഹ്മമദ്, എം.അബ്ദുല്‍ ബഷീര്‍, മുഹമ്മദ് മുസ്തഫ, അഡ്മിനിസ്ട്രേഷന്‍ മാനേജര്‍ ബാഷര്‍ നാസര്‍ അല്‍ ബഷീര്‍ എന്നിവര്‍ കാറുകള്‍ സമ്മാനിച്ചു.