സലാം എയര്‍ ദുബൈ സര്‍വീസ് തുടങ്ങി
Update: 2018-04-17 05:44 GMT
ദുബൈ വിമാനത്താവളത്തിന്റെ ടെര്‍മിനല്‍ രണ്ടിലാണ് സലാം എയര്‍ വിമാനങ്ങള്‍ എത്തുക
ഒമാന്റെ ആദ്യ ബജറ്റ് എയര്‍ലൈനായ 'സലാം എയര്‍' ദുബൈ അന്താരാഷ്ട്ര വിമാനത്താവളത്തിലേക്ക് ദിവസേന സര്‍വീസ് ആരംഭിച്ചു. ദുബൈ വിമാനത്താവളത്തിന്റെ ടെര്‍മിനല്‍ രണ്ടിലാണ് സലാം എയര്‍ വിമാനങ്ങള്‍ എത്തുക.
ദുബൈ അന്താരാഷ്ട്ര വിമാനത്താവളത്തില്‍ എത്തിയ ആദ്യ സലാം എയര്‍ വിമാനത്തിന് പ്രൗഢമായ വരവേല്‍പാണ് ലഭിച്ചത്. വാട്ടര്‍ സല്യൂട്ട് നല്‍കി ആദ്യ വിമാനത്തെ ദുബൈ എതിരേറ്റു. നേരത്തേ ജബല്‍അലിയിലെ അല്‍ മക്തൂം വിമാനത്താവളത്തിലേക്കാണ് സലാം എയര്‍ വിമാനങ്ങള്‍ സര്‍വീസ് നടത്തിയിരുന്നത്. ഈ സര്‍വീസ് ഈ മാസം 28 വരെ തുടരും. ദുബൈ വിമാനത്താവളം ടെര്‍മിനല്‍ രണ്ടിലേക്ക് രാവിലെ എട്ടരക്കാണ് സലാം എയര്‍ വിമാനം മസ്കത്തില്‍ നിന്ന് പുറപ്പെടുക. ഈവിമാനം രാവിലെ 10.50 ന് ദുബൈയില്‍ നിന്ന് മസ്കത്തിലേക്ക് തിരിച്ചു പറക്കും. വൈകുന്നേരം അഞ്ചരക്കാണ് രണ്ടാമത്തെ സലാം എയര്‍ മസ്കത്തില്‍ നിന്ന് പുറപ്പെടുക. ദുബൈയില്‍ നിന്ന് രാത്രി എട്ടിന് ഈ വിമാനം തിരിച്ചുപറക്കും.