ഓണാഘോഷവുമായി ഫോക്ക് കുവൈത്ത്; പരിപാടികൾ സെപ്റ്റംബർ ഒന്നിന്

കുവൈത്ത് സിറ്റി: ഫോക്ക് കുവൈത്ത്, ഓണാഘോഷം സംഘടിപ്പിക്കുന്നു. സെപ്റ്റംബർ ഒന്നിന് കൈത്താൻ കമ്മ്യൂണിറ്റി സ്കൂളിൽ നടക്കുന്ന ഫോക്ക് ഓണാഘോഷം 2023 പരിപാടിയില്‍ കുവൈത്തിലെ പ്രമുഖ സാംസ്കാരിക-സംഘടന പ്രതിനിധികള്‍ പങ്കെടുക്കും. രാവിലെ 11 മണിക്ക് ആരംഭിക്കുന്ന ഓണാഘോഷ പരിപാടിയിൽ കണ്ണൂർ രുചിക്കൂട്ടുകൾ ചേർത്തൊരുക്കുന്ന ഓണസദ്യ, പൊതുസമ്മേളനം, വിവിധ കലാപരിപാടികൾ, ഗാനമേള എന്നിവ അരങ്ങേറുമെന്ന് ഭാരവാഹികള്‍ അറിയിച്ചു. അബ്ബാസിയ ശ്രീരാഗം ഓഡിറ്റോറിയത്തിൽ വച്ച് നടന്ന ചടങ്ങിൽ ബാബുജി ബത്തേരി, ഓണാഘോഷം 2023 ഫ്ലെയർ പ്രകാശനം ചെയ്തു. സേവ്യർ ആന്റണി,അനിൽ കേളോത്ത്,രമേശ് കെ ഇ,ശ്യാം പ്രസാദ്,സുനേഷ് ഐ വി,ഫോക് ഭാരവാഹികൾ എന്നിവര്‍ ചടങ്ങിൽ പങ്കെടുത്തു.