മലപ്പുറം ജില്ല അസോസിയേഷൻ കുവൈത്ത് ഏഴാം വാർഷികാഘോഷം സംഘടിപ്പിച്ചു

കുവൈത്ത് സിറ്റി: മലപ്പുറം ജില്ല അസോസിയേഷൻ കുവൈത്ത് ഏഴാം വാർഷികാഘോഷം 'മാമാങ്കം' വിവിധ പരിപാടികളോടെ ആഘോഷിച്ചു. ആസ്‌പെയർ ഇന്ത്യൻ സ്‌കൂളിൽ നടന്ന പരിപാടി ഇന്ത്യൻ എംബസി സെക്കൻഡ് സെക്രട്ടറി ഹരിത് ഷെല്ലറ്റ് ഉദ്ഘാടനം ചെയ്തു. മാക് പ്രസിഡന്റ് അഡ്വ. മുഹമ്മദ് ബഷീർ അധ്യക്ഷത വഹിച്ചു. നസീർ കാരം കുളങ്ങര സംഘടനയുടെ പ്രവർത്തനം വിവരിച്ചു. സുനിൽ പറക്കപ്പാടത്ത് മുഖ്യ പ്രഭാഷണം നടത്തി.

വിവിധ ബിസിനസ് സംരംഭകരായ മുഹമ്മദ് ഫനാസ്, യൂസഫ് അൽ റഷീദി, മുസ്തഫ കാരി, മുസ്തഫ ഉണ്ണിയാലുക്കൽ, യൂനസ് അബ്ദുൽ റസാഖ്, മാക് ഭാരവാഹികളായ അനു അഭിലാഷ്, വാസുദേവൻ മമ്പാട് എന്നിവർ ആശംസകൾ നേർന്നു. കണ്ണൂർ ഷരീഫ്, ലക്ഷ്മി ജയൻ, കീർത്തന ശബരീഷ്, സാംസൺ എന്നിവർ നയിച്ച ഗാനമേളയും മാക് അംഗങ്ങളുടെ കലാപരിപാടികളും ആഘോഷത്തിന്റെ മാറ്റുകൂട്ടി.

കെ.ടി.മുജീബ്, അനസ് തയ്യിൽ, ബിജു ഭാസ്‌കർ, ഇല്യാസ് പാഴൂർ എന്നിവർ പ്രോഗ്രാമിന് നേതൃത്വം നൽകി. അഷ്‌റഫ് ചൂരോട്ട്, അനീഷ് കരാട്ട്, സുഭാഷ് മാറഞ്ചേരി, ജോൺ ദേവസ്യ, സലിം നിലമ്പൂർ, ഷാജഹാൻ പാലാറ, അഭിലാഷ് കളരിക്കൽ, പ്രജിത് മേനോൻ, ഇസ്മായിൽ കൂനത്തിൽ എന്നിവർ പരിപാടികൾ നിയന്ത്രിച്ചു.