ഒമാനിലെ അൽഹജർ മലനിരകളിലും സമീപ പ്രദേശങ്ങളിലും തീവ്ര മഴക്കും ഇടിമിന്നലിനും സാധ്യത

മസ്കത്ത്: ഒമാനിലെ അൽഹജർ മലനിരകളിലും സമീപ പ്രദേശങ്ങളിലും വ്യത്യസ്ത തീവ്രതയുള്ള മഴക്ക് സാധ്യയുണ്ടെന്ന് സിവിൽ ഏവിയേഷൻ അതോറിറ്റി അറിയിച്ചു. 2024 ഒക്ടോബർ 6 ഞായർ മുതൽ ഒക്ടോബർ 9 ബുധനാഴ്ച വരെയാണ് മഴയുണ്ടാവുക. ഇത് വാദികളിലും മലയിടുക്കുകളിലും ഒഴുക്ക് വർധിക്കാനും പെട്ടെന്നുള്ള വെള്ളപ്പൊക്കത്തിനും കാരണമാകുമെന്നു അധികൃതർ അറിയിച്ചു. കാലാവസ്ഥാ മുന്നറിയിപ്പുകൾ ശ്രദ്ധിക്കാനും ആവശ്യമായ മുൻകരുതലുകൾ എടുക്കാനും പൗരന്മാരോടും താമസക്കാരോടും ബന്ധപ്പെട്ടവർ മുന്നറിയിപ്പുനൽകി.