സലാല എൻ.എസ്.എസ് ഓണാഘോഷം സംഘടിപ്പിച്ചു

സലാല: നായർ സർവ്വീസ് സൊസൈറ്റി സലാലയിൽ ഓണാഘോഷം സംഘടിപ്പിച്ചു. ഇന്ത്യൻ സോഷ്യൽ ക്ലബ്ബ് ഹാളിൽ നടന്ന ആഘോഷ പരിപാടി എൻ.എസ്.എസ് പ്രസിഡന്റ് സേതുകുമാർ ഉദ്ഘാടനം ചെയ്തു. ഡോ:കെ.സനാതനൻ, സണ്ണി ജേക്കബ് , സന്ദീപ് ഓജ എന്നിവർ ആശംസകൾ നേർന്നു.

ജനറൽ സെക്രട്ടറി സതീഷ് നായർ റിപ്പോർട്ട് അവതരിപ്പിച്ചു. എസ്.എസ്.എൽ.സി , പ്ലസ് ടു പരീക്ഷകളിൽ വിജയികളായ വിദ്യാർത്ഥികൾക്ക് ഉപഹാരം നൽകി. അഘോഷത്തിന്റെ ഭാഗമായി ഘോഷയാത്രയും വിവിധ കലാപരിപാടികളും വിഭവ സമൃദ്ധമായ ഓണസദ്യയും ഉണ്ടായിരുന്നു. എൻ.എസ്.എസ് കുടുംബാഗങ്ങളും പ്രത്യേക ക്ഷണിതാക്കളുമാണ് പരിപാടിയിൽ സംബന്ധിച്ചത്. സന്തോഷ് പിള്ള സ്വാഗതവും ശ്രിനിത സാജൻ നന്ദിയും പറഞ്ഞു.