സിസ്റ്റം അപ്‌ഡേറ്റ്; പാസ്‌പോർട്ട് സേവാ പ്രവർത്തനങ്ങൾ താത്കാലികമായി നിർത്തിവെച്ച് ഒമാൻ ഇന്ത്യൻ എംബസി

മസ്കത്ത്: പാസ്‌പോർട്ട് സേവാ പ്രവർത്തനങ്ങൾ താത്കാലികമായി നിർത്തിവെച്ച് ഒമാനിലെ ഇന്ത്യൻ എംബസി. ഒക്ടോബർ നാല് ഒമാൻ സമയം 6.30 മുതൽ ഒക്ടോബർ 6 ഒമാൻ സമയം 4.30 വരെയാണ് സേവനം നിർത്തിവെച്ചത് സിസ്റ്റം അപ്‌ഡേറ്റിനെതുടർന്നാണ് നടപടി. പാസ്‌പോർട്ട് സംബന്ധമായ സേവനങ്ങൾ ഇതനനുസരിച്ച് ക്രമീകരിക്കണമെന്ന് എംബസി അപേക്ഷകരോട് അഭ്യർത്ഥിച്ചു. അതേസമയം ഇന്ത്യൻ വിസ അപേക്ഷാ കേന്ദ്രങ്ങളിലെ കോൺസുലാർ വിസ സേവനങ്ങൾ തടസ്സങ്ങളില്ലാതെ പ്രവർത്തിക്കുമെന്ന് എംബസി അറിയിച്ചു.