ദമ്മാം നൊറാക്ക് ഇഫ്താർ സംഗമം സംഘടിപ്പിച്ചു

സാഹോദര്യത്തിന്റെയും പാരസ്പര്യത്തിന്റെയും സന്ദേശമോതി കിഴക്കൻ പ്രവിശ്യയിലെ കോട്ടയം നിവാസികളുടെ കൂട്ടായ്മയായ നൊറാക്ക് ഇഫ്താർ സംഗമം സംഘടിപ്പിച്ചു.

സാമൂഹിക-ജീവകാരുണ്ണ്യ രംഗത്തെ പ്രവർത്തനങ്ങളും ഇടപെടലുകളും കൊണ്ട് പ്രവിശ്യയിൽ സജീവമായ നൊറാക്കിന്റെ പുതിയ ഭരണസമിതി നിലവിൽ വന്നതിനു ശേഷമുള്ള ആദ്യ പൊതുപരിപാടി എന്ന നിലയിലും ഇഫ്താർ സംഗമം ശ്രദ്ധയാകർഷിച്ചു.

പ്രവിശ്യയിലെ സാമൂഹിക-സാംസ്‌കാരിക മേഖലകളിലേയുംവിദ്യാഭ്യാസ രംഗത്തെയും പ്രമുഖ വ്യക്തിത്വങ്ങൾക്കൊപ്പം കോട്ടയം നിവാസികളും സമൂഹത്തിന്റെ നാനാതുറകളിൽപ്പെട്ട മറ്റു വ്യക്തികളും ഒത്തുചേർന്ന നോമ്പുതുറ ചടങ്ങ് ഏറെ വ്യത്യസ്തമായി.

പ്രസിഡന്റ് പോൾ വർഗീസ്, ചെയർപേഴ്‌സൺ ഡോ. സിന്ധു ബിനു, ജനറൽ സെക്രട്ടറി ഷെറീഫ് ഖാൻ, ട്രഷറർ ജോയ് തോമസ്, ശ്രീ എബ്രഹാം മാത്യു, ജോസഫ് മാത്യു, ബിജു മാത്യു, ബിനു പുരുഷോത്തമൻ, വിനോദ് കുമാർ, ഡെന്നീസ് ജോസഫ്, ജോസൻ ഒളശ്ശ, ഷാനവാസ്, സയിദ് അൻവർ എന്നിവർ പരിപാടിക്ക് നേതൃത്വം നൽകി.