ട്രക്ക് നാലു വാഹനങ്ങളില്‍ ഇടിച്ച ശേഷം ഹോട്ടലിലേക്ക് ഇടിച്ചുകയറി: 9 മരണം

മുംബൈ: ട്രക്ക് നാലു വാഹനങ്ങളില്‍ ഇടിച്ച ശേഷം ഹോട്ടലിലേക്ക് ഇടിച്ചുകയറി 9 പേര്‍ മരിച്ചു. 20ലധികം പേര്‍ക്ക് പരിക്കേറ്റു. പരിക്കേറ്റവരെ ആശുപത്രികളിലേക്ക് മാറ്റി. മഹാരാഷ്ട്രയിലെ ധൂലെ ജില്ലയിലാണ് സംഭവം.

മുംബൈ - ആഗ്ര ദേശീയപാതയില്‍ രാവിലെ 10 മണിയോടെയാണ് അപകടമുണ്ടായത്. മുംബൈയിൽ നിന്ന് 300 കിലോമീറ്റർ അകലെ ധൂലെ ജില്ലയിലെ പലസ്‌നർ ഗ്രാമത്തിന് സമീപമാണ് സംഭവം.

ട്രക്കിന്റെ ബ്രേക്ക് തകരാറിലായതോടെ നിയന്ത്രണം വിട്ടു. ട്രക്ക് രണ്ട് മോട്ടോർ സൈക്കിളുകളിലും ഒരു കാറിലും മറ്റൊരു ട്രക്കിലും ഇടിച്ചു. ബസ് സ്റ്റോപ്പിന് സമീപമുള്ള ഒരു ഹോട്ടലിലേക്കും ഇടിച്ചുകയറിയെന്ന് പൊലീസ് പറഞ്ഞു. മരിച്ചവരില്‍ ചിലർ സ്റ്റോപ്പിൽ ബസ് കാത്തുനിന്നവരാണ്. മധ്യപ്രദേശിൽ നിന്ന് ധൂലെയിലേക്ക് പോവുകയായിരുന്നു ട്രക്ക്. അപകടത്തെ കുറിച്ച് പൊലീസ് അന്വേഷണം തുടങ്ങി. 

Summary- At least nine people were killed and more than 20 injured after a truck barreled down a highway in Maharashtra's Dhule district on Tuesday, plowing into four vehicles and a hotel, police said